前晚TVB重頭劇《殭》大結局，大玩「蟲洞」穿越時空，講謝安琪終於記起自己系未來人，仲同陳凱琳返未來拯救世界，而Kay最後亦同鄭嘉穎有情人終成眷屬。不過，由於劇集鋪排得太亂，好多嘢都未清楚交代，搞到好多人睇到一頭霧水！更有三大問題未解決！

問題一：陳凱琳自殺死唔去？

前一集講述陳凱琳設局令Kay受重傷，但後來陳凱琳好內疚，所以自殺。

但到結局，Kay同陳山聰打鬥嗰陣，陳凱琳又突然出現。

呢刻觀眾先知原來佢自殺死唔去，夠曬驚喜，睇到人O曬嘴。

因為妒忌鄭嘉穎同謝安琪相戀，多次陷害家姐謝安琪，

令佢內疚到要自殺，不過鏡頭一黑，就唔知佢死咗未啦！

Kay惡鬥陳山聰嘅嗰陣，陳凱琳出現幫手，

但就冇交代過佢點解冇死……

問題二：究竟仲有冇殭屍？

大結局講到Kay終於記起自己系未來人，

嚟到2015搵殭屍解藥，

當佢搵到之後，就返咗去未來。

但劇集就冇交代到佢點樣消滅殭屍病毒，

同埋究竟佢系咪變返正常人啦。

Kay本身系未來人，

但不幸染上殭屍病毒去到明朝，

先有一連串嘅事件發生。

搵到解藥，俾個蟲洞吸返去未來，

但究竟之後佢有冇變返正常人？

問題三：究竟過咗幾多年？

鄭嘉穎系不死人，即系過咗幾耐都唔會死嘅，

而Kay同陳凱琳飛返咗去未來，應該去咗2115年，

咁系咪即系代表佢哋一返到去，就可以見返一百年後嘅鄭嘉穎？

到2115年，佢哋三個人相遇……

個結局真系好求其咯！

又無交代鄭嘉穎系點去到2115年，搵蟲洞？

定系以不死人之軀等足100年？

Kay又系點樣變返正常人……

既然仲有咁多問題，睇嚟TVB一定系想留返續集再講啦～

即系，想學《我和殭屍有個約會》咁，

搞返個《我和殭屍有個約會2》

～如果咁嘅話，你仲追唔追呀？

轉載請註明來源：今天頭條