話說昨晚我同女友左落街買六合彩

女友: [幫我落街買3張電腦票, 中左就可以一齊搬出去買大屋住]

於是我就落街買, 點知最後竟然中左頭獎, 有5注中, 分到2000萬左右...

本來係一件開心既事, 但女友拎左60蚊比我, 叫佢比番張票佢.

我 [乜唔係一齊搬出去住咩? 我去拎錢都得]

女友 [張票係我提議你去買，原本你都無架啦，攞返比我，快]

女友急不及待約左我今晚食飯, 順便拎番張票.

我覺得好心up, 感到女友唔信任我, 而且絕對唔想同我分享2000萬,

想就咁用60蚊打發我走.

次次點我買六合彩都冇比錢我買, 今次突然拎番40蚊出來

而家我好猶豫收唔收佢60蚊, 比番張票佢...我見到佢個勢佢好似想自己攞曬咁

仲對我好熱情,而家都唔知點算好..2000萬真係唔係一個細數..我真係唔想比曬佢...話曬都係我親手去買

而家我女友佢仲好開心咁同曬佢朋友講佢一個中左六合彩，係咁叫人去食飯....去旅行，我從朋友口中聽到返黎佢話想攞左錢後就同我分手...

屌....點收科?!

六合彩（Mark Six）係香港唯一嘅合法彩票，係少數獲香港政府准許合法進行嘅賭博之一。

為咗加強打擊民間嘅字花賭博，並防止賭博資金流向黑社會等非法集團，香港政府從1975年起開售彩票，取代原先嘅馬票。負責開彩嘅係法定機構香港獎券管理局，由香港賽馬會以「香港馬會獎券有限公司」嘅名義代理接受投注。投注彩池除咗用嚟做派彩之外，餘額撥交社會福利署獎券基金用作慈善用途。最初嘅彩票係14揀6，每個禮拜攪珠開彩。為迎合大眾「以小博大」嘅心理，1976年大幅增加中彩難度及派彩，改變開彩方法為36揀6（及一個特別號碼），正式名為「六合彩」，並將開彩次數增加為每個禮拜兩次（後來更增至每個禮拜3次）。之後為維持派彩數額及增加中獎難度，曾經多次增加選擇數目。正如其他賭博模式一樣，六合彩嘅中彩回報必定遠低於成本。

轉載請註明來源：今天頭條