本人已經第五次去泰國芭提雅，今次人數最多，有七個人。

之前去咁多次都無事發生，但今次人多就出事喇。

七個人入面，有三個唔系太熟，佢地最尾三日 後JOIN的。為左遷就呢三個人，我地中途轉左間較便宜的酒店。

之前個間酒店價錢比較貴，但真系好靚，露台一跳出去就系泳池。

呢間S字頭酒店，一入到房我第一句就 :「咁X污糟ge!」

牆角遍布蜘蛛網，家私擺設全部都好舊，個網頁仲話2012落成，點睇都起碼有三四十年。

但無辦法，因為已經比哂錢。

我地四個自己友住5樓，四房相連的，而佢地三個住4樓 就分別住獨立房。

七個人，七個都系男仔，如果同你講七個男仔去芭提雅只系遊山玩水，咁你都一定唔會信。無錯，所以我地預左一定會有艷遇，就每人一間房。

入夜之後當然系去飲酒溝女，雖然而家比起韓仔系輸蝕d，但離港後都仲有一定魅力ge。

一覺訓醒，聽到房出面吱吱喳喳，心諗咁早就系度講賽後報告。

行出廳，見到佢地個個面青青咁，原來唔系講賽後報告，系講緊琴晚的靈異事件.....

見有男又有女系度，應該有講有笑，但系佢地個個面青青，究竟琴晚發生咩事,,,,,

後JOIN 個三位住系4樓，分別系401,402,403 號房。

住系401號房個位朋友系 攝影師，佢飲完野番到酒店第一時間就沖涼。

可能因為酒店殘舊原因，道廁所門關唔埋，點都會有條小小空隙系度。

佢話:「反正都系自己一個，咁我唔理照沖涼喇，但系沖衝下，唔知點解總系覺得間房度有個人行來行去。」

因為有條空隙的關係會見到廁所門外的房燈，但就又光又暗咁樣，眨下貶下，就好似有個人系廁所門外 來回咁行來行去。

佢話:「當我沖完涼望住條空隙，個燈仍然眨下貶下，仲要愈眨愈快，唔系行來行去咁簡單，應該直頭系飄緊,,,,

果一刻，其實我都唔系太驚因為我重未遇過呢d事，我鼓起勇氣一手打開門，

發現咩人都無。但當我行出廁所第一步....耳邊竟然傳來一把女仔聲.....仲要聽得非常清晰......說了一句泰文」

因為攝影師唔識泰文，所以個一刻唔知意思系咩，仲諗會唔會系自己錯覺。

我地問: 「咁你記唔記得類似個音系點?」

因為住系403號房個位朋友，佢系泰國通，佢住左系泰國8年，應該會知道意思系咩。

攝影師: 「我記得系3個音，好似系 "預亨亨" 」

泰國通頓時面色一沉: 「個把女仔聲會唔會系講緊"yuu kaang kaang"」

我地問: 「即系咩意思?」

泰國通:「意思即系........"系你隔離".....」

"系你隔離".....我地個個望住位攝影師。

攝影師因為以為系自己錯覺，所以冷靜下來吹個頭就訓覺了。

訓左一陣訓唔著，拎左部macbook 出來執相。

佢執相執到太約凌晨三點幾到，突然部電視機自動開著左，個音量仲要系開到最大。

果一刻佢真系嚇親，直接拔左電視機個插頭。講到呢度.....

403號房位泰國通話:「唔系咁邪呀，我房部電視半夜都自動開著左.....」

我地即刻問住系402號房位 型男髮型師:「琴晚有無咩事發生，電視有無自己開著??」

髮型師:「無wo...無事發生wo..」

因為佢靚仔原故，琴晚確實有艷遇，帶左位泰妹回來。

泰國通用流利的泰語問位泰妹琴晚有冇發生咩事....

位泰妹即時苦笑.....

泰妹話:「雖然我第一次來呢間S字頭酒店，但都聽過唔少傳聞。

琴晚訓覺果陣，除左髮型師呼吸聲之外，我仲好似聽到另一把呼吸聲。

小小醉唔太肯定，但系......

訓訓下，感覺有人用手摸緊我對腳，仲要用雙手慢慢摸上去。」

個泰妹做埋個動作示範，就算聽唔明都知道佢講緊咩。

泰國通繼續幫泰妹翻譯:「我用張被遮住自己個頭，唔敢望，但感覺雙手就愈摸愈上，諗緊會唔會系髮型師手多多

一揭起張被....床尾咩都見唔到....只見髮型師熟睡中...仲要隔得幾遠下....」

「有野要做，我番去先喇。」

泰國通一句咁敷衍的理由，就急急揸車回去曼谷。

留底我地六個......

我地無諗過轉酒店，只系不斷咁同大家講「無事ge...」

好快又到夜晚，當然寧願出去飲野都唔會想留系酒店。

肥仔:「我唔系好舒服，唔去喇......」

「唔好玩喇，行喇！！」其餘五個人都異口同聲咁講

因為大家都知道間酒店咁猛，佢仲咁夠膽夜晚自己一個留系度。

但肥仔仍然好堅持，話自己真系唔舒服，食左藥想訓覺，一手就關埋左房門。

我地其餘五個人就照外出，唔理佢喇

飲酒跳舞溝女，睇黎大家都已經忘記左琴晚的事。

當然我仲記得喇，所以最後我都帶左個女仔跟我番去。

番到酒店已經三點幾，原來都已經飲左咁耐。

我系第一個回去酒店的，因為四房相連，而我系尾房，所以順路會經過肥仔間房。

發現度門鎖左，而隱約聽到肥仔同一把女仔聲傾計。

心諗「條死肥仔又話倦又話唔舒服，肯定又用wechat叫女上門。」

我都色心起，咩都唔理喇，回房先講。

完事後，我沖完涼訓左系張床到。

然後到個女仔去沖，佢沖完涼，行到我房門口，企左系度...

佢用一個好怪的神情望住我，然後佢就行左出廳....

我系張床等左五至十分鐘，佢都仲未入番來，心諗我激嬲左佢??

我行出廳，我見佢低頭玩緊電話。

去左五次泰國，普通溝通都可以。

我見佢低頭玩緊電話，但我見佢個樣好似幾驚咁，就用好唔流利的泰文問佢......

我:「tum mai? 點解? 」

泰妹: 「mai mee arai.. 無野呀..」

我:「glua arai? ..驚咩野? 」

泰妹: 「........」

泰妹繼續低頭玩電話，沒有回答。

隔左幾十秒.....

然後我再問多次:「glua arai? 驚咩野? 」

泰妹: 「glua...pee...」

"pee"呢個字我唔識聽，但果一刻已經估到意思系咩...

我即刻用google search "ghost" 泰文個讀音....

"pee....... "

間房部殘舊冷氣機明明經常發出"隆隆隆隆"聲都即刻靜左.....

明明好驚，但系女仔隔離要繼續扮無事咁....

我仲笑笑口問: 「yu tee nai? 系邊度?」

泰妹: 「hong non...睡房...」

即系泰妹岩岩系房門卻步個一下.....見到..,,,

我繼續問: 「poo ying? 系女仔黎? 」

泰妹: 「mai chai... 唔系.....」

我 :「poo chai? 系男人黎? 」

泰妹: 「ga..toie...」

聽到呢個字，我唔知笑定點好....

呢個字我第一次去泰國已經學會....

"ga toie" 意思即系 " ladyboy人妖" ........

「mai bpen rai....mai dong glua....」

我苦笑住咁講:「無事ge...唔駛驚...」

泰妹點點頭繼續玩電話。

呢一刻，我決定行去肥仔間房敲門。

敲左一陣，佢終於打開門。

腦海回想起剛剛行過佢房門時，系聽到一男一女系度傾計的聲音。

但如大家所料，一眼望哂....房入面除左佢...無其他人系度...

肥仔:「咩事呀?」

我:「自己一個呀?」

肥仔:「我一直訓緊覺wo...」

我:「哦...你唔舒服...咁繼續訓喇。」

肥仔:「正wo，有女仔跟你番黎，咁我都唔阻你喇。」

呢個時候選擇咩都唔講...當無事發生...

我行番去梳化陪泰妹，佢掛住系度玩電話，過左一陣..

泰妹:「mai mee battery ...」

泰妹話手機無電，問我有無充電器。

我話有，但系房入面......

泰妹:「mai ao laew...mai bpen rai」

「咁唔要喇...唔緊要...」

雖然泰妹咁樣講，但不知那裡來的勇氣，我決定行入房拎。

好凍，除左覺得間房好凍之外，咩都見唔到，咩都聽唔到

快快手拔走插系床邊位的充電器，再拎埋張被....

間酒店，房的設計都是床尾位有一塊大鏡...

當我一轉身...系塊鏡度...

眼尾見到一個長發的身影...正正就系企左系床頭邊...

唔敢回頭看...只可以當自己眼花...有人陪總算系一點安慰,,,我和泰妹就系梳化訓覺 渡過呢個凌晨...

最後一晚，我地全部人玩到天光食埋早餐先回酒店

然後直接執野check out 走人...

我,肥仔,髮型師,攝影師 系最後4個人搭lift落去

但當我按了一下關門制...正當要關上時又自動打開...

再按一下...OPEN的顯示燈亮起...門又自動打開...

按第三次，仍然是這樣....

我伸個頭出去望:「邊個玩lift呀...」

裡面各人你眼望我眼，眾人心諗:「唔通唔想我地走...定已經入左來...」

回港後，肥仔同攝影師.....佢地病左成個月...

反而我同髮型師就無咩事....

攝影師仲專登走去睇師傅,,,,,求左道符,,,

肥仔仲要清行李洗衫果陣發現左件不知名的女人底衫....

雖然如此..但我仍然十分喜歡泰國...

所以岩岩都去左成個月....

泰國酒店禁忌！小做多做少這些事情都增加你撞鬼機會…

轉載請註明來源：今天頭條