你入得黎 姐係你溝唔到女 我就大發慈悲過兩招過你。

外表好緊要 但我唔係講緊靚仔唔靚仔，整潔就一定行先

頭髮要清爽無頭油 身無怪味 有格甩底臭既就清左d格甩底毛佢（依個無點你） 易出汗既買枝香水噴下 咪係街是但買 搞到弄巧反拙，平既c.k bodyshop就有二 三百一枝用幾個月

塊面多暗倉既去bodyshop買茶樹油麵膜搞搞佢 好見效（一個圓盒好似泥咁 問d店員佢地就知 唔識點用就問 佢地唔會笑你 放心）

衣著唔識既去u記 zara gap d大路野 搞搞佢 千其唔好mk mk個種霸氣係天生既 平常人係駕馭唔到 搵種岩自己 舒適就ok 唔知好唔好睇就拉埋個女性朋友幫下眼 女性朋友都無就問sale 佢會幫你（對白自己諗）

男人一定要有自信 抬高個頭做人 有時間照下塊鏡 睇下點笑先好睇 咩表情會靚仔d 到時你傾計chok少少（記住係少少好啦 飲水會死 chok樣都係 太多會好奇怪）到時你覺得自己咁樣靚仔 傾計都會自信d

另外 好多單身狗都有通病 就係覺得自己要去溝個位女性，如果你用依個想法黎做大前提，你已經輸左。其實大家都未有進一步既認識，你點知道佢一定岩你？感情依d野無得勉強，一段長時間既關係係建基於感情之上，唔岩就係唔岩。

如果你話:（條女好靚喎 溝到咪可以啪啪啪囉。） 咁樣你只係咸濕 搵一樓一會更適合你，所以話 慢慢黎 唔駛急，你要用一種識朋友既心態去同佢打開話題，先了解 後進攻。而且有樣好處係你會識埋佢d女性朋友 到時可能你先會遇到你既the one都唔頂

真係傾到計啦 感覺到佢都有feel，你就記住打鐵要趁熱，凍左就一切都完了，約佢出下街 食下好西不過記住唔好用金錢攻勢 因為入得黎睇依篇文既90%都係三無人仕 姐係無錢 無樓 無車，比你充大頭鬼你充到幾多次姐？ 溝女有d技巧好嗎？自己諗應該點做。

表白......千其唔好。。。真係千其唔好，好老土

真係有feel既拖埋去就得 如果佢鬆你手得兩個原因，一:佢唔鍾意你 二:佢怕醜 自己留意下佢個反應係邊種啦，如果佢無鬆既 就真是弓起你啦。

最後，如果開始左段關係，你就要負起責任，25歲樓下既玩玩下無問題 25歲樓上既就要諗未來架啦 認真d 唔好吊兒郎當。

好啦 係咁 睇完溝到女既就請呀叔我飲茶啦

轉載請註明來源：今天頭條