人情問題經常成為網民熱話，今次有網民於討論區上載剛收到的一封「紅色炸彈」，指派帖人為一名「唔係話好熟」的女同事，全公司同事都有份，連兼職的學生亦同時被炸。女同事更於請帖上寫明將在今年12月生BB，請賓客將禮金（人情？）自行入數到其銀行戶口，作為未來「小天使」的教育基金，並要求出席者於婚宴當日，出示收據以作核實，變相玩「即場拆人情」！

本身同呢個女同事都唔係話好熟,

平時都只係hi bye咁,

但係佢份人都ok高調,

成日同我地曬佢男朋友對佢幾好買乜比佢咁,

所以由佢男朋友對佢求婚開始就周不時update我地(其實真心唔想知= =)

佢做到咁都知佢果餐走唔甩,

點知佢派帖人人有份不特止,

仲要連part time都比埋,

我心諗人地學生黎架咋, 平時返工都係返得果一陣, 好心就放過人!

唉...呢d都算!

打開佢張帖果刻真係爭d嘩出黎,

我未見過d人拎埋肚入面個B黎拎人情,

仲要話乜乜教育基金喎,

我幫你養埋個仔好冇?

老實講,你比得帖我,預左人情都要比,

但最嬲都係你要我拎埋入數紙去飲

點呀而家?? 驚人走你數??

講真, 請飲請到咁就不如唔好請,

真係失禮人又失禮自己!!!

網民大多覺得準新娘的做法不當，或會令同事覺得有壓力，十分失禮。

轉載請註明來源：今天頭條