次次拍親拖都無好收場？拍拖必散太猴擒觸犯咗8大禁忌！好多人同小編呻話次次拍親拖都無好收場，唔好話系性格不合，其實好多人拍拖前同拍拖後差好遠，之所以咁容易掟煲，系因為佢哋太猴擒觸犯咗禁忌！究竟系乜嘢禁忌咁大劑？快啲跟住樓主睇下喇！

1. 查家宅

拍拖前，為咗keep住個形象又好，保留啲新鮮感、神秘感又好，都唔會過問對方太多嘢。拍拖後，總有一方會以想了解多啲對方為藉口，查家宅咁追問另一半嘅種種隱私，例如系銀行存款、財產、人工、戀愛史、家族背景等等，好容易令對方頂唔順而出現分手念頭！其實有啲嘢唔使問喇，對方想講自然會同你說講架嘛。

2. 想改變對方

你不要再做無聊事可以嗎？有種人，拍拖後總系想改變對方，將佢改造成自己心目中嘅完美情人。強逼對方改變自己嘅性格、行為同生活習慣嚟迎合自己，睇唔順眼對方嘅髮型、衣著，要對方做改變。睇不過眼對方花錢、理財嘅模式，又要佢改變等等，最終只會令到對方反感而導致分手咯。

3.「猴擒」融入對方生活

融入對方生活唔系話唔好，但過咗火就「肉酸」。對方同朋友、同事聚餐，明明你1個都唔識，又無人請你，都要「死跟爛跟」一齊去；心急認識對方父母同家人，要求出席家庭聚會；check對方朋友圈嘅friend list，仲要亂add佢啲朋友等等；喺朋友圈瘋狂po佢合照，要求對方喺朋友圈曬恩愛，完全無俾對方半點私人空間，遲早掟煲。

4. 過分要求對方

我們簽個合約吧！啱開始就過分要求對方為你付出，特別系女仔，猛咁要求男仔請食飯睇戲、送禮物、行街負責碌卡、仲要找埋卡數，強迫對方承諾愛你一生一世、結婚等等，用力過度嘅攻擊會令對佢好大壓力，潛藏分手危機！

5. 超強控制欲

你又不接電話，每個人都系獨立嘅個體，雖然對方系你嘅另一半，但都有隱私同私生活嘅。過分干涉對方嘅生活同興趣，要佢報告行蹤，甚至裝埋GPS定位追蹤器嚟監視佢，成日奪命追魂call煩佢，掌控佢嘅社交圈，逼對方同異性朋友/同事保持距離，限制對方嘅自由、交友選擇同購物慾，過早實行儲錢大計等等，對方一定會驚咗咁嗆控制欲嘅你，咁距離分手都唔遠喇。

6. 強迫對方同前度斷絕聯繫

好多人都將現任嘅前度當成恐怖生物，對前度鬼咁敏感，呢啲都可以理解。但咁唔代表你可以勒令對方同前度斷絕聯絡，要求對方刪除前度嘅微信、電話等等一切聯絡方法、delete舊合照、掉曬前度送嘅禮物等等，畢竟有啲人覺得「再見亦是朋友」，唔使做到咁盡，喺前度問題上糾纏，只會同對方日吵夜吵，破壞感情。

7. 鍾意比較

有種人拍拖之後，成日會攞對方嘅前度同自己比較，追問對方邊個靚啲、鍾意邊個多啲，比較待遇，抱怨佢對自己無對前度咁好；仲攞對方同自己嘅前度比較，成日話前度有幾好，要求對方跟足前度嚟滿足自己；將自己同佢屋企人、朋友、工作、興趣比較，要他最視你為第1位。其實無幾多個人可以受得住呢種鍾意比較嘅對象，分手指日可待！

8. 一哭二鬧三上吊

情侶之間嗌下交幾咁正常，不過每次發生爭執都搞到家嘈屋閉，甚至一哭二鬧三上吊，將問題無限放大，只會仲加得人憎。而用死嚟威脅對方，只會令對方更加想同你分手咯。

拍拖係為咗多個人陪你，而唔系將佢當成你嘅一樣嘢，尊重下人哋，亦系尊重咗自己。

講咗咁多，好彩樓主都唔會拍拖必散。點解？咁咪就系樓主未曾拍過拖咯～慘慘豬～

【散拖王】拍拖必散！極速分手8大原因！

轉載請註明來源：今天頭條