一講到最熱嘅韓劇，肯定係關於「宋宋戀」嘅《太陽的後裔》。不過，睇嚟大家都將重點放落宋仲基與光洙嘅「基情」多過宋宋戀，網上就流出一批二次創作圖，將甜蜜鏡頭中嘅宋慧喬換上光洙樣，頓然基味濃郁⋯⋯但唔係冇跡可尋㗎，回顧兩兄弟嘅點滴，雙方關係確實耐人尋味。不論事情屬真屬假，今次的二創相片真係維肖維妙。
《太陽的後裔》二次創作圖（網上圖片）
望住呢啲key圖，覺得宋洙襯唔襯呢？佢哋兩個早喺running man已認識對方，並成為好友，之後仲一齊拍《善良的男人》，感情不斷升溫。
兩人關係實在耐人尋味（網上圖片）
光洙完全融入角色（網上圖片）
像真度會否太高？（網上圖片）
來一個
回眸圖吧！
宋洙關係鬧得熱烘烘，有宋仲基又點可以少得李光洙呢？《太陽的後裔》第一集就有光洙客串，飾演射擊遊戲檔嘅檔主。勢估唔到戀情一觸即發，嗚⋯⋯劉時鎮嘅情不再屬於姜暮煙了。
光洙客串第一集《太陽的後裔》（網上圖片）
1. 宋寫「仲基♥光洙」
呢個舉動確實惹人懷疑⋯⋯媽，好亂呀！宋仲基竟公然喺拍攝場地留下「仲基♥光洙」嘅字句，仲寫喺石頭上面，好似有山盟海誓嘅感覺，說好的宋宋戀呢？仲基有冇理過女神姜暮煙嘅感受㗎？
仲基♥光洙（亞洲王子） 2015.10.14（網上圖片）
2. 宋的rm最後說話
男兒淚不易流，但兩兄弟為咗對方，即使喺鏡頭面前亦難忍眼淚，哭出來了！話說宋仲基因拍戲緣故，要離開running man，跟至愛暫時分開。就喺宋仲基講最後一番說話，光洙哭不成聲，宋亦顯得非常不捨，真係難兄難弟。
陰公豬嚕⋯⋯兩個喊得幾厲害（網上截圖）
3. 一個獎兩份分
正所謂患難見真情，有兄弟選擇一條底褲兩份著，宋仲基就打算一個獎項兩份分。可惜光洙嬲嬲豬唔領情，大家喺到打情罵俏⋯⋯究竟佢哋有冇理過旁人嘅感受？我有獎都只可以左手同右手分享咋。
宋：剛才我的朋友光洙沒有得到獎，這個獎我要和他一起分享（網上截圖）
光洙嬲嬲豬話，邊個要你（宋仲基）同我分享個獎？（網上截圖）
望見光洙堅定嘅眼神，宋洙一定好了解對方！
李光洙：是的，對，他做事就是這種風格（網上截圖）
4. 當兵力量來源：光洙
當兵嘅生活確實唔易捱，好多人以為能撐住呢種生活，係需要思想女女嚟過日。點知宋仲基竟然話，帶俾佢最大力量嘅，並非甚麼女團，而係好朋友李光洙！So sweet，簡直羨煞旁人。仲要補多句，服兵後最想見嘅係李光洙，一啲都唔避嫌喔。
宋仲基服兵後最想見嘅係李光洙（網上圖片）
最後都係recap多次二人嘅親密照，恭喜仲基終於見返光洙！
I』ll now recap… （網上圖片）
延伸閱讀
文章來源: https://www.twgreatdaily.com/cat43/node978093轉載請註明來源：今天頭條