近年積極操 fit慨山聰，早前試過由九龍屋企專登揸車過山頂跑步，貪嗰邊空氣清新啲嘛！
拍拖 2年， 13年 4月與何超雲正式分手的陳山聰近年積極減肥，戒蒲戒暴食，又搏命跑步兼健身， 2年內拍足 8套大台劇，近日在訪問中說：「工作行先，希望上天賜個女仔俾我，陪我到老。」十足上進青年。
據知新年期間超雲親自聯絡山聰好友郭政鴻，藉口與契女見面，實情打探舊愛山聰消息。山聰積極洗底，超雲亦 dry足 3年，復合有望喎！
近日於大台熱播的《潮流教主》，稱得上潮人慨，應只有自備私伙服裝的 39歲陳山聰。反觀與何超雲拍拖時期的陳山聰，身形又肥又腫，難得分手 3年，山聰肯的起心肝減肥，潮味出番嚟。借契女埋身上月 13日，超雲自然蒲頭搵郭政鴻拜年，仲 upload埋攬住契女慨相上微博，唔通想借契女埋身見山聰？（網上圖片）
陳山聰同郭政鴻系 friend就系人都知，咁多年兄弟，過年過節點會唔見面呀！（網上圖片） 戒蒲喪運動
「我未試過工作得咁辛苦，有一晚拍完《刀》（《刀下留人》）慨打戲，轉妝去拍《僵》，卸妝再拍《刀》，嗰段日子，攰到一坐低就瞓著，但我樂在其中，都唔知當時慨意志力喺邊度嚟。依家慨我簡單得多，每一次同家人、朋友慨聚會都好珍惜，無諗過要做俾邊個睇，只知道要面對自己，活在當下。」
以前和超雲拍拖期間，山聰陪住女友四圍飛嘆世界，分手後的山聰脫胎換骨，近年每日都必定抽時間做大量帶氧運動，無論跑步、打拳甚至舞獅，而且戒掉夜蒲習慣，少煙少酒，腹肌、胸肌亦同時返曬嚟。
-----------------------------------------------------
「山聰自從同超雲分開之後就好似怕咗接近女色咁，出得去食飯行街慨都清一色系男人，行得埋佢身邊慨女性，一系就同事，一系就親戚，有時都忍唔住笑佢系咪轉咗性取向！」山聰好友透露。
6嚿腹肌即將 40歲慨山聰，身形 fit到爆，再次吸引到超雲系唔出奇慨！（網上圖片）
搞埋舞獅2年前山聰和郭政鴻搞咗個舞獅學會，聽講徒弟都唔少㗎！《壹周刊》圖片
12年山聰和超雲熱戀期間，二個都又肥又腫，十足暴發戶咁！《忽然 1周》圖片 超雲開綠燈
分手 3年，據知超雲和山聰最初都沒有聯絡，但超雲近月開始向友人問起山聰近況，「超雲近排問過二至三次山聰近況，言語間都有問山聰搵到女朋友拍拖未，不過問問嚇又無咗下文，我哋有問佢使唔使做中間人約出嚟大家見番面，佢又話唔使！」
超雲口是心非，其實身體最誠實。農曆年期間，超雲主動搵山聰好友郭政鴻拜年，又話好掛住郭政鴻兩個女，「自從佢兩個分手後，超雲都好少搵山聰慨朋友，系近幾個月至搵番，我哋都估佢對山聰態度唔同咗。」其實超雲已經 dry足 3年，雖然不時在微博更新近況，但大多都系與家人合照，擺明未有新男友。
生日冇仔上月超雲生日，雖然有大班朋友陪過，不過冇男友喺身邊，始終系爭啲慨！（網上圖片）
自與山聰分手後，超雲慨日常活動就系陪媽咪、陪超蓮同埋陪貓咪。（網上圖片）
《潮流教主》入面，山聰系陳豪教主慨助手，不過老實講，山聰似教主多啲喎！網上圖片 想生個女
14年山聰回歸大台拍劇，一口氣拍完 8套，連休息都幾乎無機會。「我有斗心去改、去搏，但呢個斗心已經唔系年輕時慨斗心。以前只想快啲上位做一線、做視帝，依家，咩都經歷過後，覺得所有嘢都系虛無，最實在慨系開心。」
近日幫大台宣傳《潮流教主》時，山聰對愛情睇法亦漏口風說：「隨緣啦！唔會去強求，但希望再拍拖，對方只系一個平凡慨圈外人就可以。以前唔想生小朋友，因為賺到錢要去買衫，依家想法變咗，想生個女。有啲嘢系無得後悔，惟有做好依家慨嘢，希望大家會慢慢接受番我囉！」
準備好咪去馬囉！唔通要超雲做主動咩？
13年分手最後合照雖然山聰和超雲年齡相差一大截，不過兩個都對時裝充滿熱誠，系夾慨！《蘋果日報》圖片
過埋 13年慨情人節後，二人就和平分手，至今到底系咩原因？山聰死都唔講。（網上圖片）
劇接劇慨山聰，剛完成《火線下的江湖大佬》，仲同香香做埋 friend添！（網上圖片）
以往同超雲拍拖，多去歐洲地方拍拖，如今一支公，行嚇東京代官山都自得其樂。（網上圖片）
冇咗山聰做攝影師，超雲好彩仲有超蓮幫手，早排兩姊妹仲去咗泰國同陽光玩遊戲添！（網上圖片） 回帶總是最好的！
當你曾經唔怕大台永不錄用話唔撈就唔撈，依家要日捱夜捱拍膠劇；當你曾經著上身唔系最貴就系 fashion騷 VIP，依家要扮識潮流系鐵慨陳豪小跟班；當你曾經年中一半時間都喺歐洲仲要坐頭等，依家渡假只可以似小市民去下幾日日本……點解陳山聰要翻兜？唔使問點解喇啩？
網上圖片
同超雲拍拖最繽紛系唔使做一樣好食好住，唔系巴黎鐵塔下就系英倫街頭上，邊似得依家一年拍五套劇至有得粗粗哋游幾日日本？
《蘋果日報》圖片
最好都系情人眼裡唔怕肥，當年冧得超雲掂，陳山聰體重失控，就算巨臂龍躉三下巴一齊嚟又有咩好驚？使乜節食跑步 keep住個 look呢？
《蘋果日報》圖片
系就系潮開，不過潮極都未上到一線？唔系同何超雲一齊，陳山聰又邊有得同一線星一線名流坐第一行睇 GUGGI時裝騷呢？
《忽然 1周》圖片
一同超雲拍拖，陳山聰入住陽明山莊、喺三太布力徑大宅自出自入、出街有司機去澳門坐私家直升機，呢啲待遇唔使計喇，捱大台一世都捱唔到。
採訪、撰文：娛樂組
轉載請註明來源：今天頭條