1. 《怪談》呢類節目一向都多靈異事情發生，話說喺12年5月，梁思浩同埋岑寶兒帶著攝製隊及參加者去猛鬼地點曹公潭拍攝《怪談》。玩完杯仙之後，其中一位參加者鬼強突然又喊又笑，之後仲嘔白泡。事後有人懷疑佢係鬼上身，因為佢話當時佢感覺到右邊有個人好似想衝埋佢度。杯仙一向都邪邪地，奉勸各位唔好亂試！

2.藝人去荒山野嶺拍攝外景係好平常，話說喺幾年前，鍾嘉欣喺農曆7月去荒山野嶺拍撞車戲，期間有靈體企喺路邊睇佢拍戲。當時劇情就係講鍾嘉欣喺荒山野嶺撞車，不過佢唔識車，所以安排特技人去拍呢一場戲。特技人 車到一半就用對講機同導演講話路邊有人企度睇佢拍戲，但係睇返play back 都係得特技人一個。

via ALIVE FORUM

3. 已故演員鍾保羅曾經係香港金牌主持，可惜喺1989年，於沙田第一城屋企一躍而下。有傳佢經常現身故居，曾經有個住客聲稱客廳半夜會有人打掃，而每次半夜打開電視都會播住鍾保羅主持港姐選舉。個位住客仲話鍾保羅同佢講佢唔係自殺而係俾人害死。當年連都有節目派梁思浩去採訪。要你住果度都咪話唔驚呀!

via ALIVE FORUM

4. 藝人出外地拍攝，好多時都要自己一個住酒店房，唔少藝人都遇過奇怪事件。有一次馬國明去馬來西亞進行外㬌拍攝拍到好夜，返到酒店沖完涼就瞓覺，瞓瞓下就感覺到好似有啲嘢係自己隔離，佢想郁又郁唔到，淨係隱約咁見到有個人影坐咗喺床邊。第二日即刻換房就冇事發生。

via ALIVE FORUM

5. 拍鬼片又係好容易撞邪。邵音音曾經接受訪問時話陳靜喺拍攝電影《迷離夜》嘅時候聲稱頻頻見鬼。另外，戲中其中一位小女孩每日都話自己見到一個「豬頭人身的鬼」企喺任達華後面睇住佢拍片。同埋只要拍到重要嘅戲份時，機器就會故障。

via ALIVE FORUM

張栢芝戲路咁廣，唯獨對鬼片有避諱。有傳原因係有次栢芝跟媽媽及姐姐去日本旅行，半夜睡覺時，栢芝媽媽感覺到俾人搞腳板底，但當時栢芝兩姊妹都熟睡。之後事隔多年，栢芝兩姊妹再去日本旅行，點知半夜又有怪事發生。酒店房的電視不停自動開關，佢家姐仲同佢講親眼見到一位身穿和服及無頭的女子騎在她的肚皮上，就係呢啲經歷導致張栢芝抗拒拍鬼片。

著名導演許鞍華嘅驚慄片《幽靈人間》搵咗舒淇做主角。在戲內，舒淇有一個濃妝抹艷的造型，另有一個清純淡妝的造型。有傳當舒淇化緊妝嘅時候，工作人員看見現場拍攝的電視螢光幕突然眨咗兩下，跟著就出現咗妖艷的舒淇畫面。但工作人員都感覺到奇怪，因為呢個並唔係舒淇當天的造型，立刻檢查錄影機是否播錯舊的影帶。檢查後工作人員更害怕，因為他們發現錄影機內根本無影帶。

TVB劇集《陀槍師姐》曾經紅極一時，據說拍攝期間有好多奇怪事情發生，拍攝過程都唔係太順利。例如當蔡康年飾演性格分裂，專門殺害妙齡少女的殺手，其中一幕是向著血淋淋的衣櫃跪拜，但拍攝後卻發現影帶的片段空白一片，而且更無故停電多次。仲有劇中嘅洋娃娃道具的頭顱更在一夜之間不翼而飛。更恐怖的是，在劇集尾段，魏駿傑與歐陽震華一段對話中，螢光幕的左上方出現了一個恐怖的女性頭顱，還持續了2至3秒。

via ALIVE FORUM

拍古裝戲一向都邪門，話說曾經有一位女演員喺埋位後講對白時，不單止無跟稿講，仲要淨係對住鏡頭呆望，跟住全身顫抖，工作人員嗌極佢都冇反應。過咗一陣又完全無事，在場嘅老演員就睇得出佢係鬼上身。後來女演員換衫先發現，原來佢件戲服上面寫住某自殺身亡女星嘅名，於是服裝間嘅同事即刻將所有已故藝員嘅戲服丟走。

轉載請註明來源：今天頭條