1. 過份敏感型

即係佢講1句，你都會聯想起好多嘢。舉個簡單例子：佢送份禮物俾你純粹想氹你開心。但你會諗：做乜無事獻殷勤？佢係咪做咗啲對我唔住嘢？其實佢真係咁啱見到份禮物襯你先買嚟送俾你，但因為你太敏感，佢又要無端端解釋一輪（你可能仲唔信添），解釋咁耐乜情趣都冇曬啦。

via ALIVE

2. 斤斤計較型

想做賢妻良母，為另一半好好理財絕對係值得欣賞事，但偶然都可以錫自己、錫對方多啲，花多少少俾大家開心。好似去旅行咁，樣樣都計到足又點玩得盡興呢？又例如一齊去街，可以今餐你請、下餐我請，大家配合得到就冇問題，唔一定要1分1毫都計足。

via ALIVE

3. 前度錄音機

成日將Ex講過嘢掛嘴邊。或者你原意只係純粹想佢知有啲位可以大家都配合得好啲，冇心要比較啲乜，但聽嗰個唔會咁諗㗎：「個Ex咁好，你唔返去搵佢？」聽完哩句，你又會嬲！

via ALIVE

4. 識少少扮代表型

1個平等討論氣氛好重要，當是但1邊擺出1副「XX嘢，你識條鐵咩？」樣，咁就冇辦法互動落去。虛心受教佢只可以唔出聲聽你講，唔講唔講就唔會再講，又或者會爆發1句：「得喇你啱曬，我錯曬啦好未？」然後？你咪又著咗囉。

via ALIVE

5. （太）獨立自主型

算係上1個類型延伸版。因為你覺得你識得夠多，男朋友對你嚟講好似變到可有可無咁。當佢唔係好搵到自己存在價值，再加上哩個時候你都仲係「唔輸得」，佢可能就會心淡。

via ALIVE

6. 忽冷忽熱型

極端啲Case就係所謂「呼之則來，揮之則去」，哩頭話「BB，你好好啊，我冇咗你唔得」，轉個頭就「你做乜成日都要咁管住我啫！我都需要私人空間㗎！」咁走嚟走去實攰啦。

via ALIVE

7. 媽媽型

即係成日好似媽媽湊仔咁，哩樣唔准嗰樣又唔俾，Sizz自己唔鍾意之餘，其實對方都好憎。「我想你好咋！」哩句萬能Key都唔知傷過幾多男仔心。

8. 驚驚青青型

少少事都好擔心好驚，長期處於緊張狀態，搞到冇1刻可以好好享受。其實好多嘢都唔係想像中咁恐怖，反正有佢陪你一齊做，你肯試話可能又會睇到唔同風景呢！

via ALIVE

9. 左耳入右耳出型

你成日都話想了解佢多啲，但到佢鼓起勇氣同你分享心底問題嗰陣，你又係聽完就算，轉個頭就唔記得。你問自己，佢解釋咗幾多次咩叫越位俾你聽？你聽完之後有冇記住？定係準備11月17日去旺角場支持港隊嗰陣又問多次？

via ALIVE

10. 痴身型

係啦，就係電話1響就要聽，男朋友同朋友踢場波都要跟到底嗰種。你鍾意佢，想成日前痴住佢好正常，但又唔駛1日23小時都要身貼身（咩啫佢去廁所同沖涼我都冇跟住佢㗎）。好似上面提到，大家都需要私人空間㗎嘛。

轉載請註明來源：今天頭條