就最近香港學生自殺問題成為城中焦點，我自己都考過2014年DSE，我都想趁機會發表下自己既意見。

好遺憾咁講句，我對依家香港既中學生覺得好失望。好多中學生無好好珍惜學習既機會，自己無好好努力讀書跟吾上進度就話吾鐘意讀書，IQ又低EQ又低，一頂吾順就走去跳樓。之後其他學生就錯誤歸因，下下都咁厚麵皮，頼曬落去香港既教育制度。

你地成日話係制度問題，吾係自己讀書態度既問題，大家問心一句有無盡全力讀書？現今的學生可能因為有政府幫你地去俾學費就得過且過，吾係上堂訓覺就係傾計，返到屋企吾係打機就係whatsapp。又吾生得聰明過其他人，下下都臨考試先去溫。如果各位莘莘學子真係緊張學業，平日同埋週末就吾會四圍走，而係利用全部空餘時間寒窗苦讀，好好進修。好明顯呢個係學習動機問題。

而我替香港中學生感到可惜的就係佢地發掘吾到學習既樂趣，其實學習本應係一件好開心好有挑戰性的事，甚至能得到滿足感，學習得到智識，能夠在生活上應用出來。當然有好多廢學生自己無用腦真正諗過，就話用吾著無用。

大家一尾咩都懶曬去教育局，話係教育政策問題，根本就係本末倒置，無中生有。

係全球化趨勢下以及建基於學歷通漲既情況，香港學生既競爭力已經持續下降，如果大家仲要求調低公開考試要求，咁我想講你地根本吾會夠啲中國內地學生爭大學學位，事實上人地真係勤力過你地。大家予期抱怨教育政策，倒不如嘗試了解下教育局花左好幾年用左咁多人力物力所建立的標準課程。你地成日話政府俾咁多內地學生同一帶一路學生去大學讀書，其實政府已經違反左自由巿場原則留左大半學話俾本地生。

各位試下用另一個既角度欣賞下政府貼心為大家做既野，包括開設咁多資助副學位課程、高級文憑同毅進針對吾同能力學生需要，又有Ive同職訓局為大家就出來社會工作增值。政府下下俾左咁多機會，大家都吾珍惜，仲要反話政府？！

可能有人會話果啲咩副學位好難升返上大學喎⋯⋯ 其實呢個係行精英制的世界，弱肉強食，俾左甘多機會你地都讀吾掂，係你技不如人，問下點解人地又得自己又吾得，或者倒不如早啲出去返工體驗下，吾好浪費曬啲資源。不過我諗依家香港中學生能力咁低，下下讀書都話讀吾掂，又吾識抒發情緒, 同你講返工壓力仲大呀, 睇怕出黎返工第一日就要跳樓

轉載請註明來源：今天頭條