1.講起地鐵重覆站我都試過

試過同個FD一齊搭地鐵

我個FD不停講野

但因為佢太長氣我都冇乜留心聽

一時應下佢，一時望下個牌

當時我地由旺角返觀塘

去到九龍灣站，我心諗：仲有一個站

(當時我只係聽到廣播話下一站九龍灣，冇望牌同望外面)

到下一個站我掛住同佢傾計

冇睇牌冇聽廣播冇望外面

之後架車再郁我就準備行去門口

點知個廣播話：下一站九龍灣

我：又九龍灣？頭先咪過左囉，你頭先聽唔聽到呀？

朋友：冇呀，聽唔到

當時我講得都幾大聲，有幾個人都望住我

我睇佢地個樣好似同意我咁，可能佢地都同我一樣聽到九龍灣

到九龍灣站，我望外面，牆上的確係寫九龍灣

今次我冇再同我FD傾計

過多一個站，今次真係到觀塘啦

我諗左好耐，假設我聽錯九龍塘站係九龍灣站

但都冇理由咁快就到觀塘

2.

唔知算唔算怪事，上年7月14左右夜晚收工去的士站答的士番屋企，你都知啦的士站有一條的士龍咁我見前面架車有人上咁我未好自然去第二架，啊點知去到第二架的士我一開門個的士老就話叫我上第一架第一架都無客，當時我心諗唔係咁邪掛，但我都照上番第一架的士

3.

我諗起我阿媽ge故事，

有晚佢落樓下7仔買杯麵，

去到收銀櫃諗住俾個職員嘟，

但個職員一路呆左企?度成三十秒，

阿媽忍唔住叫佢收錢，

點知佢話: 下，岩先個人咪幫你俾左囉

阿媽

，間7仔勁細，一眼睇曬，

跟本就冇人入過黎

最後，阿媽就拎住杯免費合味道返屋企

4.

小學大概五、六年班既時候玩彩虹冒險

本來幾個小學雞都係得434 455之類既垃圾裝

突然有一日其中一個同班同學突然向我同另一個同學派神裝(我地玩校隊圍內比較熟)

咩989土裝 999風裝

仲開哂官網排名頭幾名果啲ac例如:第一名果個寂寞的季節(比左另一個同學)、

第二名果個神醫許浚(呢個ac比左我 我入過)、

gm001(彩虹開唔到有gm名稱既角色 佢自己用)

之類既帳號比我地睇/用

我入神醫許浚個ac啲人仲話見到名人要影相

過左一個月左右 所有收過裝備既ac同排名榜上面啲神ac全部比人封哂

後來我先知佢送比我地既裝備當時可以賣到幾千蚊

唔怪得成日有日問我啲裝幾多錢

有時又有人開價我都唔識答

(果陣字都唔識打多幾隻)

小學就畢業果排我成日都問佢咩事 佢就搖搖頭乜都唔肯講

到而家成件事都係一個迷

果個同學又唔似咩電腦黑客高手

只係一個普通小學生平時同我地踢下波跑下步打下機咁

呢件真係我成段人生之中永遠都解唔到既一個謎

我諗成件事計埋我都係得3個人知

唔好相認

5.

其實好多 都撞過幾次鬼

有次經歷諗返都好心寒 但遍遍個次係無鬼成份

大概係同一日撞過同一個人六次

唔同地方時間

以前中六個時 排隊撘車 望到前面個西裝友

覺得好熟面口 但又醒唔起

咁我就岩岩好上唔到車 但就記返起係我個夢出現過----第一次

放飯個時 行落去附近買碗麵 又撞返佢係我前面買麵 但變左街坊裝----第二次

其實頭兩次我無上心 可能真係咁岩

咁放學我要去補習既 咁我就撘1A 上到車..

點會咁 又見到佢係度睇書 但係著牛記普通t我個心已經開始唔舒服----第三次

到我下車 我特登擰轉頭 睇下有無下車 結果無 心諗應該完啦 咁我就自己行去淘大

咁我補習係要係出面排隊拎notes

排排下 又見到佢著返套西裝拎住撘單同職員傾唔知乜Seven

我開始好驚 無理由快過我到 一定無理由----第四次

上堂個時我諗會唔會係捕我 咁我就決定早走 等佢預唔到我放學時間 而我本身都約左人係尖咀食飯 咁有時間就返屋企換衫先 一落返屋企到出返尖咀都無事 心諗咁遠我又早走左 應該撞唔到掛

地食太平館

帶位個時.....HiHiHi 點解會咁 後面張卡位就係佢同個女人食飯 都係西裝

但餐廳又唔比換位

餐飯真係食得好唔舒服----第五次

咁我食得好快 快過佢地走 行都無行 就直接撘219x返屋企 返到大堂.....佢坐係大堂著住polo波鞋傾電話----第六次

呀唔記得先前講個夢 係大概我同個男人行左一日 又講又笑既 之後我同佢講你唔好再跟住 之後就同佢嘈 佢話係我跟住佢 嘈左好耐

之後個晚就夢見返個男人

佢笑笑口同我講:都話係你跟住我

咁的確係個六次 佢都比我早到...

好寒呀Hi 我食足四日安眠藥先訓到

但有人話個後續夢係心理作用 而且可能讀書精神壓力大

轉載請註明來源：今天頭條