岩岩同朋友行完街，去左尖沙咀金馬倫道果間星林居（上層果間），講起就谷鳩氣！

本應食得好地地，但食到一半突然成間野靜曬，因為cashier果邊有人拍檯鬧人，聽到把癲雞師奶聲狂鬧人，10分鐘non-stop咁鬧。

初頭以為有人教仔啦，咦，唔係喎？教自己個仔會講屌你老母架咩？後黎聽下聽下原來係個cashier鬧鳩個waiter，內容主要係話佢死肥仔、冇撚用，兩檯當左一檯收錢，大拿拿收能少左204蚊！我心諗，係喎天文數字，港幣二佰零四元正呀你老味！

其實個肥哥哥都已經主動道歉，仲話有咩佢自己咩。但個cashier都唔放口，繼續屌，繼續屌！爭在未拎雞毛掃出黎fit個肥哥哥。

唉，想同朋友出黎食個hea米線姐，食完個感覺好似去能左人地屋企睇人教仔咁，食完碗米線頭都痛能埋。

20分鐘過去，米線食完，但隻癲雞仲未能鬧完。臨走之前見肥哥哥比人屌到耳仔紅曬、頭低低咁，我忍唔住同佢講左聲「唔好放係心，番工做野難免，我地支持你架。」佢聽完冇乜反應，繼續低頭做野。雖然佢冇反應，但咁比人屌法，我相信有把正面既聲音對佢黎講可以爭好遠的。

安慰完佢打算比錢走，點知一去到cashier條八婆仲屌能緊。「正仆街黎，正一仆街黎」「係架，係仆街，死弱智仔。」

（大家去開星林居，唔知有冇留意到佢地會通常請反應慢少少既人仕做侍應，冇歧視之意。）任何人都會做錯事，收少果204蚊最多係人工扣囉，肥哥哥都道歉又肯賠錢啦。為左咁少事屌鳩人老母、話人冇能用、咒人仆街，騷擾埋全體食客都算，洗唔洗話人弱智仔呀？

阿姐，將心比己啦，我點睇你就算唔弱智，神經衰弱都走唔甩啦。如果阿肥哥哥目前有更好出路，佢洗能留係度同你做鳩同事受鳩你氣呀？

聽佢鬧完肥哥哥「仆街弱智仔」，果一刻我理智線斷裂，我用我最粗豪最mk既語氣講左句「鬧能完未呀？」心入面準備好同佢開火，最多以後唔能黎，一世食三哥。

丫，點知佢即刻態度180度轉變，微笑住同我道謝喎：「多謝曬，下次再黎過丫。」雖然我果一刻嬲到震曬，但又吹佢唔漲喎。收皮，冇交嗌，唯有番黎將件事公諸於世，還肥哥哥一個公道。

係呀金馬倫道星林居，同我認能住呢條八婆。呢段野同我share開去啦，睇下傳到星林居老細度，睇下邊個會仆街？

source

文章來源: https://www.twgreatdaily.com/cat43/node913590

轉載請註明來源：今天頭條