1.
早幾日同班師奶同事一齊夾份買雪藏食物 (因為批發要大量先會送貨), 咁我都唔執輸, 買左幾磅魚蛋呀, 燒賣呀, 好啦, 到左貨之後發現佢原來將成10榜磅魚蛋燒賣放埋係同一個袋到要我地自己分, 之後有個同事就話不如求隨量分返10袋出黎 買2磅既就拎2袋咁啦, 之後突然之間有個同事話, 下...咁我果袋少左幾粒咁點....
全部人望住佢>
>
>
>
仲有一單就係, 成班朋友出黎食雞堡, 之後有條友遲黎左少少, 但我地其實都只係食左5分鍾左右, 咁食到7788叫埋單啦, 佢話下...我遲黎wo, 係咪應該收平d先, 你睇下我食左幾少野, 你地成檯都係骨, 計骨黎計, 我都應該比少d啦....最後全場靜哂
2.
同同事去茶記食晏，當時出面天氣30幾度，其中一個叫左杯熱檸茶，個個都問佢：你唔怕熱咩？
佢答：無呀我諗住你地個個叫凍野飲，拎你地D冰咪得囉哈哈哈
3.
話說有一次佢叫我去佢屋企食飯
識?十年都冇去過佢屋企食飯所以就應承左
跟住同佢一齊上佢屋企?時候
經過百佳佢恍然大悟咁話：係喎爭?唔記得左添 你依家??臨入去買啦
我O曬嘴問佢：買咩啊？去你屋企食飯仲要買咩？
正當我諗緊佢上佢屋企食飯係咪要買野加?之際
跟住佢話：下你唔買麵你上?食咩啊
我呆左呆 見到佢一面誠懇 諗左半分鐘終於明佢咩料
原來佢係叫我上去食飯既意思係我自己另外煮 然後同佢一家人坐埋一齊食自己煮?? Hi咁我做咩特登上去你屋企煮麵食？
我只好話：算啦我唔食喇
點知佢又講：咁你都買返支野飲上去啊 渴死咩
咁我以為佢屋企冇野飲 就買?支野上去飲
點知上到去佢話佢去雪櫃?野飲先
又有一次上佢屋企一齊煮?食 材料費平分
要用一隻蛋但係佢屋企有所以就冇買
到最後計錢?時候佢計埋隻蛋
收我兩蚊（即係佢一隻蛋值四蚊
）
Hi 其實唔係想?咩?數 都唔係孤寒到呢個地步呀 話曬都十年朋友
4.
話說我地班fd 圍內慣左食飯帶個電子磅
食之前每人上一上磅mark 低幾重
食完之後再mark 一次, 最尾拎曬大家每人重左幾多gram /總共重左幾多gram
埋單前清清楚楚計一次就知各人要俾幾錢
呢個方法好就好在連飲幾多汽水果汁都可以計埋
有彈性又靈活得多, 軍真得黎又唔會唔清唔楚
但係上次有條友食食下偷偷地去左廁所屙屎
但我好聰明咁發現左
之後成班fds 同佢絕左交
5.
曾經見過一個超級縮骨男.樣樣計樣樣度. 試過一次同檯食飯, 簡直係令我大開眼界.
1) 自己帶汽水去酒樓飲,比酒樓伙計話佢,佢仲要同夥計嘈.
2) AA制都唔比我哋叫餸, 係咁話飽, 但一有餸嚟就第一個搶
3) 個度縮男爸爸唔夠飽話叫多碗白飯, 佢又阻止,跟住我哋叫佢爸爸叫啦, 個白飯一嚟到, 佢就立刻喺老豆個飯畢幾啖
4) 跟住埋單時攞張COUPON出嚟, 比完錢之後, 同我哋計返, 最正係佢計完之後, 唔駛出現金之餘, 張COUPON仲可以換返錢, 同我哋收返, 仲有現金落袋.
其實仲有好多好多,我覺得呢個人嘅行為可以攞嚟拍笑片.
同佢一檯真心覺得佢失禮埋我. 呢啲人見過一次就夠, 真係唔會再同佢喺同一場合再次一齊出現!
我覺得對自己孤寒無問題,但對住家人,朋友都咁計較,好人有限囉,一定係一個自私鬼!
6.
話說當年朱古力仲係169 左右 1 件tee既時候，
咁我識人係個度做，
會做下雞仔媒人拎折(半價)
咁朋友 A B落單既時候，
C又話想買(當時見過 3 幾次，係A B朋友)
我咪話ok無所謂。
咁A同B都買好少，
C可能因為第一次R折所以買好多。
咁我收錢時， 就大數減A B d錢，
剩低就問C收啦，
點知C話好似收多佢 10 蚊咁上下。
原來間野唔夠 1 蚊都會計 1 蚊，
例如199 半價唔係 99.5,
係會收100,
咁total買左 十幾廿件，
就會有少少出入。
咁我話ok丫你計倒幾多就俾幾多我啦，
佢仲要講左句：讀書時d人以為我家境好，
就以為可以搵我著數，
不過我好精明。
呢個世界真係嘜人都有
7.
講開食盡佢唔好蝕 我有個fd仲誇張
好多年前打邊爐任飲任食仲係80幾蚊
有一間酒樓唔知新開張定乜
做緊65蚊任飲任食
講真淨係個價錢都已經抵到爛啦
咁我就同佢同另一個fd去食啦
大家果陣都食左好多野好飽
最記得我個fd汽水都飲左12支
傾傾下計我個fd突然間話：
我
我個fd
：我覺得都係唔抵食
：下？？點解呀？
：汽水出面都係賣5蚊支咋麻 12支都係60
：
咁你D肥牛呀魚蛋呀菜呢 果度都值5蚊呀麻
：咁又係既
呢件事到而家都印象深刻
8.
我記得一次
同個fd去釣魚，有個唔多熟?fd又一齊黎，
呢條友圍內出左名小男人一個，但一齊玩下就無所謂啦。
釣到咁上下，有些少口渴，水又飲曬，咁我咪去買囉，順手買多兩支返黎，我記得係十二蚊三支，返到黎就分一人一支啦，熟果個就不嬲無計，始終咁多年朋友，條數點計都計唔清。
另外果個就問我幾錢，我咪話幾蚊就由去啦，佢話，唔係幾好?，糾纏左一輪，我頂唔向左走向右走順，同佢講：「$12三支，即係$4蚊支，我而家請你飲呀。」佢真係搵$4俾我，我心諗
我果刻終於明白點解佢會無乜朋友。當然佢平時仲有好多野令到人地唔鐘意同佢玩
文章來源: https://www.twgreatdaily.com/cat43/node907211
轉載請註明來源：今天頭條