「五億駙馬」黎諾懿有外家照住，最快 2018進駐西半山豪宅。

老婆外家做美容生意，身家億億聲！黎諾懿前年娶咗有米女李潔瑩（ Nicole）後，搖身一變成為「五億駙馬」。有指李潔瑩娘家一直擔心黎諾懿打無綫工朝不保晚，寶貝女要屈就住 700呎西貢村屋，外父外母睇唔過眼，決定科水送豪宅。

日前有目擊者見到黎諾懿夫婦加埋李潔瑩父母，一同現身恆基新盤帝匯豪庭睇示範單位。一行四人以四房大單位為目標，最後外母以個人名義，買入一個市值約四千萬單位，送俾寶貝女同女婿做安樂窩。

嫌太遠

曾表示會在元朗買地皮起萬呎愛巢的黎諾懿，婚後一直同老婆李潔瑩屈住七百呎村屋，即使外父開口叫兩公婆搬返君頤峰屋企，卻被有骨氣的黎諾懿所拒。

「之前響元朗買咗幅地諗住起屋，但嗰度實在太偏僻，揸車返電視城最少一粒鐘， Nicole（李潔瑩）爹哋媽咪又唔想個女住到咁遠，話將來一旦生咗小朋友唔方便，所以賣番塊地出去；後來試過叫佢哋搬返君頤峰，但黎諾懿同 Nicole都唔肯，想二人世界方便啲。」知情者說。

在無綫十三年，黎諾懿近年終於在《愛•回家》坐正做男一，處境劇長拍長有，收入穩定，但身家始終同老婆外家有大段距離；結婚後，嬌生慣養的李潔瑩衣食住行全部降呢，平民商場消費，幫襯平價餐廳。

婚前黎諾懿曾透露會在元朗起萬呎獨立屋作愛巢，但因為老婆外家嫌遠，最後放棄。

黎諾懿外父外母睇中位於羅便臣道的帝匯豪庭四房大單位，撲槌以近四千萬買入。

屋企做美容生意的李潔瑩，老豆身家億億聲，未嫁前同父母居住君頤峰豪宅。 當投資

想寶貝女住好啲，李父決定揸主意為二人物色新居，最終鎖定位於西半山羅便臣道的帝匯豪庭。

「嗰日佢哋四個人嚟睇樓，黎諾懿同老婆全程拖住手，同外父外母亦好好傾；佢哋集中睇四房單位，其間仲聽見佢外母問佢哋鍾唔鍾意，前後留咗成個鐘先走。」目擊者透露。

記者致電黎諾㦤，他亦直認有其事。

「係呀！嗰日係同埋佢（ Nicole）爸爸媽媽一齊睇！都幾啱心水！（外父外母送俾你哋做愛巢？）投資啫！但都係等樓價再低啲先。」黎諾懿說。

在無綫十三年，黎諾懿終於在處境劇《愛•回家》首次做男一。

娶老婆當日，黎諾懿揸住外父名下價值 220萬的 Bentley去接新娘。

結婚一周年，黎諾懿在微博曬恩愛自拍照，仲留言冧老婆：「多謝有妳一直在身邊。」

李潔瑩嫁雞隨雞，經常被拍得陪老公食平價餐廳。

黎諾懿（英文名：Chris Lai Lok Yi，1980年6月15日－），本名黎日昇，黎諾懿這藝名由相士所改，喻意平穩[1]。現為香港無綫電視男藝員。

黎諾懿早年於屯門東華三院邱子田紀念中學畢業，參加無綫電視藝員訓練班第十八期藝員訓練班而入行，與胡定欣同期，及後加入成為旗下藝員，是無綫電視力捧小生之一，亦是奧運六星之一。出道作品為《戀愛自由式》，其後參演《當四葉草碰上劍尖時》擔正第一男主角，再加上樣貌與陳百強相似（但亦有人認爲與陳曉東相似）而開始爲人熟悉。

2009年首次出演電影《所有夢想都開花》，與蔣勤勤，陳芷青合作，飾演黃總裁一角。 2011年，黎諾懿於由湖南衛視主辦的《舞動奇蹟》第三季比賽中，與內地演員金晨合作奪得冠軍，成功到內地市場掘金。2012年，黎諾懿在804集處境劇《愛·回家》中再次擔正男主角之一，飾演馬壯一角大獲好評[2]，此劇延續至2015年播映。（此劇至今仍在播映中，但他的角色曾「消失」約幾十集）

結局零對白 回家被排擠 黎諾懿侮辱朱慧敏：打×機都唔識 [FACE - 424] 黎諾懿,朱慧敏,MF,

封面 結局零對白 回家被排擠 黎諾懿侮辱朱慧敏：打×機都唔識

大台處境劇《愛．回家》上週五（ 3日）播出第 804集，（觀眾叫大結局，但大台冇咁講過，留意！）收視平均 24點，最高 25點，一度令網民十分掛念嘅 Alex朱慧敏終於出場，但可惜只在尾段兩分鐘出現，連對白都冇，令唔少網民鼓譟。

劇中同馬壯黎諾懿，二人感情綫絕對係賣點，但私下關係惡劣，多次傳出不和。據知，試過有次拍廠戲，朱慧敏想黎諾懿俾句對白入戲，點知對方一句劈埋去，「做咗咁多年戲，連自己打 X機都唔識咩？」全場演員、劇組人員即時 O曬嘴，亦令朱慧敏相當尷尬。

34歲朱慧敏未婚夫 Eddie彭懷安被爆偷食，搞到女方要飛去美國療情傷。愛情失意，原來事業亦有阻滯，拍攝 3年嘅《愛．回家》上週五（ 3日）播出 804集，之後會以新班底續拍，朱慧敏飾演嘅 Alex亦會「被消失」。曾經有傳戲劇總監曾勵珍唔 like朱慧敏，所以要朱慧敏消失，但因網民力撐，所以 Alex先有機會喺尾集出現 2分鐘。

上星期五（ 3日）《愛．回家》播到 804集，馬壯終於同 Alex再相遇，可惜二人只係喺電車站對望，咁就完咗，唔少網民即時鬧爆。電視畫面

據知上年黎諾懿喺一場律師樓廠戲，公然鬧朱慧敏：「打 X機都唔識！」全劇組都聽到，亦令朱慧敏好唔開心。

拍攝 804集呢場 ending戲，黎諾懿無論戲內戲外都同朱慧敏冇偈傾。

黎黨聯手對抗

主角變茄喱啡，朱慧敏當然唔開心，更唔開心係被同事打壓、排擠，其中以黎諾懿為甚。原來監製徐遇安三年前，係打算搵身材出眾嘅高海寧搭黎諾懿，可惜最後換上朱慧敏，令黎冇得同咪神談情，加上朱慧敏開工太認真，同黎 hea住開工成對比。

據了解曾經有人要求黎生開工認真啲，結果令關係更惡劣，黎諾懿更聯同劇中演員張達倫和李霖恩等排擠朱慧敏。據知，上年二人拍攝律師樓廠戲期間，由於導演想拍朱慧敏大特寫，朱要求黎諾懿「俾尾句」（講句對白）等她入戲，但黎生啋佢都傻，仲話：「你做咗咁多年戲，連自己打 X機都唔識咩？」此話一出，全場人呆曬，大家都覺得馬壯過份咗！

孤獨精杯葛 1號

朱慧敏拍劇時相當認真，面對住 hea玩嘅黎諾懿當然擦出「火花」，最後被杯葛。

馬壯經常拉大隊開飯，但只會叫「自己人」，邊個同邊個 friend，一眼睇曬！

回家冇愛

標榜一家人，成日有馬家食飯戲睇嘅《愛．回家》，其實私下分黨分派，後生蔣家旻就同羅天宇等 friend，最大幫派當然係黎諾懿為首，劇中成個律師樓同事都係佢啲馬仔，頭號獨家村係朱慧敏，而二號就係林漪娸！

李霖恩（右）、張達倫（左）原本同朱慧敏好 friend，但後來同黎諾懿及一眾律師樓成員 friend咗，最後疏遠朱。網上圖片

徐榮同劇中一樣係好好先生，開工唔遲到，唔玩，同所有演員關係最好。

班長

丹爺眾所週知係珍姐愛將，封為班長，幫珍姐睇實班馬騮。網上圖片

劇中一眾 80後，自然玩埋一齊，亦係最融洽，懶理班老嘢分黨分派。網上圖片

林漪娸

好心被鬧

黎諾懿同朱慧敏不和到上面，其實劇中都有另一對死對頭，就係馬家嘅郭少芸、林漪娸。劇中二人同檯食飯，但私下唔只冇偈傾，據知有次郭少芸化妝後留低手袋，林漪娸好心上前攞俾佢，點知被郭少芸鬧：「博 friend呀？個袋 Celine嚟㗎！」

獨家村杯葛 2號

林漪娸被揭獨家村，劇中老公徐榮幫佢解釋，他說：「漪娸佢健康生活，鍾意自己帶飯，食完又會小睡片刻，你哋咪覺佢唔同我哋食囉！其實邊有嘢。」網上圖片

郭少芸除咗同林漪娸不和，同劇中吳家樂亦唔妥，據知吳家樂更曾表示如果繼續拍郭少芸寧願唔拍，最後變咗黃德斌。網上圖片

網上圖片

張達倫力撐︰我同諾懿好 friend

週一（ 6日）《愛．回家》變了《愛·回家延·新愛》，對於朱慧敏當眾被寸，同黎諾懿係老死嘅張達倫就力撐、他說︰「佢唔會咁講嘅，俾尾句自動波㗎啦，你唔俾，導演都會鬧添，我同諾懿真係好 friend，同阿朱（朱慧敏）就普通啦，排擠啲小學生咩？我哋大人嚟點會做呢啲呀？」而同黎諾懿合作 800幾集嘅徐榮就話︰「我唔喺度喎，呢場咩嚟㗎？我哋不嬲俾番對白大家做戲。」

「 Alex」第一人選係高 Ling

12年《愛．回家》角色初選期間，一向愛美女嘅監製徐遇安，最想高海寧做女一，可惜珍姐唔肯，令黎諾懿冇得借拍劇親近女神。網上圖片

原本得一集戲，飾演馬壯前女友的朱璇，突然加多 10集戲，令朱慧敏戲份大刪減。

網友撐 Alex

監製徐遇安

網上圖片

戲劇總監曾勵珍

網上圖片

Eddie守行為

朱慧敏劇中被人恰到上心口，反而同朱慧敏冷靜緊嘅 Eddie彭懷安，就專心事業，繼續戒菸戒酒。但 Eddie拍完大台嘅《以和為貴》就即刻靜曬，朱慧敏又未有劇開，大家有時間應該可以培養番感情啦。

當日西環華星客棧開張，朱慧敏成個女主人咁款，傍實 Eddie。

Eddie最近出席《殺破狼 2》記者會，剃曬鬆，帶番副文青鏡，成個人正氣曬。《蘋果日報》圖片

馬壯 Alex翻撻冇期

上星期五出 roller前，黎諾懿同朱慧敏叫做有個定鏡 close up，對朱慧敏嚟講叫做靚埋尾啦。電視畫面

804集《愛．回家》未完㗎，週一（ 6日）由張繼聰、黃翠如孭飛嘅新一輯登場，雖然話馬家會不定時回歸，不過仲想睇馬壯同 Alex呢一對可能要等嚇喇，事關馬壯嚟緊開新劇《純熟意外》， Alex就由親生女變做普通藝員約，大家都知唔係親生，機會少幾多所以，睇唔到佢兩個，咪睇張繼聰同翠如 BB囉，可能佢哋又不和呢？

翠如 BB執三攤

女主角人選，一波三折，最初岑麗香，跟住徐子珊嫌降呢唔拍，最後由抵得諗嘅黃翠如頂上。電視畫面

岑麗香因預了期拍《實習天使》要拍足 3個月，新《愛．回家》亦唔等得，最後要換角。網上圖片

曹總要有呀

電視畫面

巴打最關心唔係馬壯同 Alex下落，而係劇中飾演曹總嘅劉一飛會唔會繼續出場。飛哥本身為大台國語配音員，大台唔少劇集都係佢配音㗎。

律師樓變健身室

新主景為健身室，擺明喺俾張繼聰騷肌，仲有另一主景為麥包屋企，以後啲食飯戲全部佢屋企做曬。

網上圖片

網上圖片

龔嘉欣做女二

網上圖片

新一輯《愛•回家》年青好多，除咗張繼聰，黃翠如，仲會力捧 4位，分別係張振朗、坤哥、港男何君誠，同埋會捧為女二嘅龔嘉欣。

轉載請註明來源：今天頭條