結左婚十日, 新婚生活一d都唔開心

件事係咁既…(有d長, 請原諒, 真係好想聽下各位既意見)

我地識左一個月就開始拍拖, 相處得好好, 我自己拍過幾次拖都冇試過咁開心, 過左3幾個月, 佢已經主動提起過結婚, 後來又傾過都發現大家都唔係想搞得大個種, 佢又自己話佢冇咩特別野想做, 我一路都想去拉斯維加斯結婚, 於是就咁定左落黎.

之後, 老細問我d annual leave 要點放, 咁我番去咪同個時仲係我男友既佢商量, 問佢有冇咩計畫. 然後佢就拖拖拉拉講開去第2度, 我個時好唔開心, 但係又覺得都冇咩可以做度, 跟住就冇再自己提起結婚呢件事.

又過左2個月, 有一個星期五放工, 佢突然間話要去 cartier 買d野叫我同佢去, 我仲以為佢要買禮物送比人, 去到先知原來佢同我睇 wedding ring, 試完我就好清楚話佢聽, wedding ring 我希望佢簡比我, 我唔想自己買, 佢都應承左, 個晚係屋企, 佢話我聽係佢媽咪鼓勵佢. 我個時已經覺得, 係你想娶我定係你媽咪想娶我呀? 不過都冇出到聲, 唔通為左咁攞黎嘈咩

岩岩11月底, 我地終於去左美國註冊, 成個 trip 佢都係掛住影相, basically 我係自己行或者係度曬住等佢影 (唔係影我, 係影風景), 註冊之前我問佢興唔興奮佢既答案係興奮唔起, 但係點都好啦, 我地終於拍左一年拖之後結左婚

番到香港, 佢晚晚掛住執相, 係facebook 同人講野肯定多過同我, 我好明顯覺得佢唔開心, 問佢又話冇, 之前應承番黎買只介指比我又係度拖, 寧願去剪頭髮都要話唔得閒, 又完全冇同任何人講自己結左婚, 我覺得唔開心發左幾句脾氣就走埋番屋企, 電話都唔聽, 我琴日夜晚去搵佢又唔理我

我覺得佢後悔結左婚, 我都唔知我已家要點做, 嘗試去氹佢? 當冇事發生過我自己既生活由得大家靜下? 好想聽下其他人既意見…

Ps: 我25, 佢33

轉載請註明來源：今天頭條