下星期就聖誕節，

對方雖然唔稱得上娘娘，

但我同佢既關係又未到情侶。

佢約我，但又唔係正日。

原因我冇刻意去問原因。

我知，由舊時我已經係一個後備，

不過依家只係單純既行街食飯睇戲，

我諗既亦唔會去到太多。

我做既，就只有好好裝身，

盡量係外觀上比人成熟穩重，

內裡安排好哂當日所有行程，

比佢安心當日將整個人交比我。

你地話我十足一個兵仔？

如果係，我可以犯賤d講句：

係，我係兵都好，我都敬業樂業。

一個女仔既然約得我出街，

先不論自己係咩人，

對方又唔係港女式咁洗我錢，

我就覺得佢比得一日我，

我就要盡量做到佢一日男神。

就算一日都好，往後冇法佔有佢都好，

至少我可以係佢人生留下一日深刻既回憶。

一日，一個男仔，為左佢聖誕節快樂，

而盡主力哄佢開心既時光。

當然，到最後兵仔都未必變男神。

係，係兵。一個明知九生一死，

亦會盡力戰到最後既士兵。

祝大家，聖誕節快樂。

凱旋迴歸！

facebook page

轉載請註明來源：今天頭條