新一份財政預算案推出多項紓困措施，其中一項向領取綜援人士發放額外兩個月津貼，俗稱「三糧」的措施，推出後備受爭議。昨日隨即有網民在facebook上傳一張《綜援攻略》的圖片，

並列出6個要點，教大家如何申請綜援，做到有樓住、不用工作兼提早享受退休生活。該攻略一出，迅速在網上熱傳，惟網民反應不一。有網民在facebook的「一日之計在於晨」專頁上載一張圖片，圖中可見有「綜援攻略」的字眼，又有小字「唔使做真係唔想？」，並配上13幅包括旅遊、退休、游泳等享受生活的配圖。

該網民其後又詳列出6個成功領取綜援的要點，包裝斷六親、辭職、洗底、準備家訪時不要被發現家裡有貴重物品、申請綜援後如何取盡所有福利，以及其後面臨「被搵工」的應對方法。攻略推出後，除了有大批網民瘋狂轉載外，不少人甚至標籤自己的親朋好友，讓他們必要時作為參考。

有網民直指得悉預算案出「三糧」給綜緩人士後，表示很想申請綜緩，惟不知如何入手，幸好看到這份攻略。但亦有人指攻略可能會引致香港出現綜援潮，而內地人不用資產審查，根本是贏在起跑線。也有人稱自己有手有腳，貪圖這些不義之財會「折福」。

1. 《斷六親》

由於申請綜援時係以家庭做單位，想避過所有麻煩成功申請，作者表示首先就要斷六親！因為屋企總有啲「有骨氣」人士阻住你發達，而且多隻香爐多隻鬼，越多人申請，金額就分得越薄，蝕哂。要斷六親，你可以簽份「父母不供養自己證明書」，社署問起就租間$1500劏房，表明父母唔養自己先搬出去住。全家以個人做單位去申請，唔使計都知道多啲錢啦！

2. 《辭職》

第二步就係要通過入息審查，攻略教路，申請前要先辭工，有綜援後就可以不勞而獲！如果同個上司熟，仲可以叫佢寫封信，證明你「因智力問題不能完成工作」，遲啲有用。

3. 《洗底》

除了入息審查，當然唔少得資產審查。作者教申請前要洗哂戶口的錢，賣哂所有股票、外幣同黃金，記得係要洗哂唔好「轉贈」俾家人或朋友，因為社署會追到3年內賬目。有樓都賣埋佢啦，有綜援使乜做樓奴。

4. 《準備家訪》

申請完社署就會安排查家宅，就得收埋哂所有值錢東西，唔好漏咗高達！作者話，想穩陣就學番兩句「內地用語」傍身，要將牛肉講哂牛油喎，但真正的新移民勝數始終會高啲囉…

5. 《申請後福利》

成功申請後，你每月就可以得到$2070標準金，生多幾個細路連租金、水費、排污費都有特別津貼；住屋方面，只要唔好租過$1500的屋就無問題，傻豬嚟嘅，$1500又點會租到樓呢！所以，作者就教你瞓兩日天橋底，再同社署反映，咁就可以大大增加上公屋機會啦！跟住再拎住張綜援紙，原來連病都唔使驚，在公立醫院睇病完全免費，仲可以賣番醫生開的藥俾藥房，無本生利(咁都得?)。嫌唔夠錢用，你仲可以打斷哂手手腳腳，拎埋殘疾津貼！

6. 《申請後被搵工》

此時此刻，你應該已經un un腳生活無憂，但作者話社署唔係善男信女，它會迫你參加培訓乜乜乜同實習工作，迫你出去搵工。部署咁辛苦？點可以被打亂如此安穩生活呢，這時候，Step 2那封「因智力問題不能完成工作」證明書就有用啦，社署仲分分鐘俾多筆錢你去睇心理醫生添，諗起就爽！

最啜核的是這份《申請綜援全攻略》特別提醒，綜援有離港限制，一年唔可以離港超過56日，未必夠你去5次歐洲旅行，但唔緊要啦，近近哋，去10次台灣咪得囉

facebook page

轉載請註明來源：今天頭條