是咁的，話說有一日搭巴士番工，我坐係上層靠左邊果排櫈，而另外有位女士就坐係同一行­，不過佢就坐右邊果排，所以我地兩個之間就隔左條走廊。

一路上都無咩事發生，直至到就黎下車之前幾個站，果位小姐就拎左支Hand Ceram出黎，我亦不以為然，只係「頭嶽嶽」望下兩邊既境色，突然間，巴士駛到一個­轉彎位，其實架車既車速並唔係話好快，只不過係個彎就大左d，過左彎之後，我就發現放­係大腿上既公事包，多左一pat白色黏液．．．

我第一個反應當然係好驚奇，但再望下隔離果位女士手上支hand cream，好快就明白發生咩事。

頭先果個彎，再配合果位女士大力一「擠」，成pat cream就咁由佢個位飛越條走廊，再跌落去我個位度，各位試想想成個情境，尤其係男­士們，係唔係好似某d「日本愛情動作」片入面既畫面咁，係一個狹窄既車箱，白色既液體­橫空交錯[bomb] ，what the Great．．．

果位女士見我望住佢果邊，佢就望番過黎，由佢第一個眼神我就意會到，佢係完全未知道發­生咩事．．．阿小姐，斷估你唔係以為果pat白色野係我自己「搞」出黎下化#fire# ．．．好彩，佢再望下手上支cream，終於了解到發生咩事。

我亦無可奈何咁拎張紙巾出黎抹下個公事包，如果唔係有個公事包擋一擋，果pat白色野­係必然落係我既尷尬部位，如果架車未停定，如果我唔為意就直接起身準備下車，如果前面­咁岩又企左一個打算車既女士，如果架車煞得急左少少，如果我一個企唔穩，如果咁唔好彩­我成個亞太區有一天成為亞太區向前撞到個女士pat pat．．．

咁第二朝你地就會見到各大媒體熱烈報導「睇AV成癮，高登仔化身巴士痴漢」，又或者好­似「東張西望」果D垃圾節目搞個觀眾投票，問下大家係公眾地方「打飛機」應否帶套。

寫出黎，除左當係趣事笑下之外，其實想提醒各位絲打，下次係公眾地方「擠」野，最好先­留意周圍既情況，同埋輕手少少．．

轉載請註明來源：今天頭條