2個星期前識左個女仔,
佢2x 歲 不過佢有個女同結左婚,幾靚
呢d 野我識佢既時候我就知道
我地認識左之後一切都發展得好快
仲好快發生埋關係
佢仲同我講:我同佢老公離婚
當然我覺得自己好似拆散左人地屋企咁
佢仲保多句:我同佢離婚唔關你事,我同佢一早冇哂感情
我知佢呢句係睇得出我有d 過意唔去.....
老實講我一開始真係抱住一個玩玩下既心態去同佢一齊
佢有老公同我搞埋一齊都唔方好得去邊
但我慢慢發覺自己原來自己都有小小中意左佢
佢話我比反好多以前既拍拖感覺佢
我接受唔到個女朋友有個女同結左婚
最起碼有進一步發展我屋企人一定唔會同意
不過我阿媽咩都唔知,仲幾中意佢悿 .....
我又驚我如果真係中意左佢受傷既會係自己
我同d 朋友傾
朋友a : 唔好玩火丫
朋友b : 呢d 女係邊度黎就邊度走,唔好放真感情丫
朋友c : 你咁樣同人老婆搞埋點樣講唔岩果個都係你
朋友d : 如果人地為你同個老公離婚同破壞人地家庭有咩分別,唔好害左個細路女
朋友e : 你又冇女朋友,咪同佢一齊住先咯,佢對你都唔方認真啦
其實我都唔係好清楚個女仔係咪對我認真....
我又唔知點做,都底好唔好再同佢一齊
一齊又要面對涼心壓力
唔一齊我又唔係好捨得
唔知點好 .......
加左小小
好多謝大家既回復
起初我估我講呢件事出黎,多數比人插
比人插都冇乜所謂,有解決方法就ok
識左佢2 個星期雖然時間唔長
但我的確開始對佢有小小好感 (但我地始終係由性開始)
如果要發展,我要考慮實在太多
我明白一件事, 如果佢有個女但離左婚,係唔同有個女同仲結左婚
要再一齊係困難好多 話哂佢有個女
我身為男人 ,唔介意就奇 (希望大家會體諒呢一點)
其實解決方法只有2 個
一. 同佢講清楚唔一齊
二. 咩都唔好理同佢發展
我唔算好老,不過我都唔細架啦(今年29)
我要好好咁考慮.....
今日佢仲叫我出街食飯....
食飯唔係問題,問題係佢話佢阿哥都會出現
我真係有d 唔想去 ,唔知係試我定點悿架
好煩
我最後結果都耍左佢 , 唔見佢阿哥
其實自從第一次同佢發生關係之後
佢都成日話要上黎我屋企
密到起碼一星期上來我度 5次
我屋企人仲係咩都唔知,仲好似對佢既感覺幾好咁...
我真係想像唔到如果我屋企人知道哂佢d 野唔知會係點
好多人回復都話我係"趙完鬆"
唔鬆 ??? 我都想架 !!!!!
唔鬆後果會點先 ? 會搞散人地頭家咯 .....
其實琴日佢都話要上黎,我都話要同d 朋友去飲野叫佢唔好上黎
(想考慮清楚先)
我出得呢個post 就預左比人插,唔想用太多文字掩飾自己做錯
睇左咁多人回復之後,我都係決定同佢講清楚
我真係唔可以咁落去 ,講完再更新......
本來呢段野我打算今日晏就番來先講 但係真係同佢傾完訓唔著
今日佢好似平時一樣,收左工就打比我話上黎
我本來打算把心一橫 唔會店佢同佢講清楚
開頭想同佢慢慢由傾計開始
我問: 其實點解會對妳老公冇哂感情
佢D 眼神就好似比我題起左D 傷心事咁
佢話 : 我老公成日都唔係屋企,得我一個人照顧個女,(佢成日扮去打麻將先上黎,話時話,佢次次上黎都真係唔覺佢老公有打過比佢叫佢番) 每個月家用又比得千幾蚊我 (其實我覺得呢個對佢係重點) ,交租都唔夠 ,屋企D 水電習費都係我一個交哂,呢D 野兩公婆我唔同佢計,有冇人好似我咁有老公等於冇老公架!!
呢個時候我個心又開始有D 軟化 ,覺得今日唔係講清楚既好時機 ....
我真係唔係好忍心係呢個時候講清楚
平時都只係聽到佢個女打比佢問: 媽咪幾時番?
佢 : 就番啦 乖 訓先啦 ~!" ( 都有小小比佢感動到,最起碼佢會為我呃佢個女)
我句"不如我地唔好一齊"就吞番落肚
跟住佢仲話 : 我老公開始有小小懷疑我 (我未開聲佢就) 放心,我一定唔會比佢知道
個心涼左一涼 .... 之後仲成晚都傾將來點點點
我冇乜點比反應佢敷衍佢多 .... 佢就加左句 : 我唔會後悔
講完呢5 個字,就開始錫我 ,我既理性控制我自己 : 好累 ,下次
果5 個字分明係講比我聽佢既決心,好似叫我唔洗擔心咁
唉....我唔想做衰人....真係想可以捻到一個圓滿D 既解決辦法
佢走左搞到我依加都訓唔著 ........
依加6:21AM 一陣仲要反工
加多小小資料:
好多人都想知道佢幾大或一大堆問題 , 我係呢度簡單咁講下
佢今年26 歲香港人 有個6 歲大既女 老公幾大 我唔知
結婚幾耐都唔多清楚 7-8年掛
我同佢認識係一個朋友介紹,佢係我朋友既髮型屋度做
傾多兩句,就開始有d 曖昧feel ,好快就一齊左
琴晚佢收左工依然照舊打比我 約我出來見面
不過冇上來我屋企,去左我摟下個公園仔傾計
佢問我借左2000蚊 , 2000蚊小數目比左妳又點話
佢講話一定會還 , 我當聽住先啦 ....
之後又講反佢公老開始懷疑佢: 不如我地近排少d 見面
原本我係捻住同佢搞清楚唔再一齊,呢次佢開口對我來講應該係一個好機會
但我突然間覺得好失落 ,好想講 "唔好"
佢走左之後我成個人都仲好失落,想打比佢 或 sms佢
我忍唔住打比我一個好朋友傾
朋友 : 咁咪好咯 借d 二 唔搵唔搵就咁算啦 你地都有開心過 丫
呢個係我講得心事既其中一個朋友
我 : 我仲想同佢一齊 ,有咩方法 ( 我真係好煩 好亂)
朋友 : 唔好傻啦 ! 依然雖然唔係話你同呢個女人一齊下場一定唔好 ,但起碼80 % 唔會有好下場咯,個女你照顧 ? 人地老公搵你尋仇甘點 ?
朋友: 無論你最後個決定係點我都支持你既!!
last 呢句比佢講中我心聲,我真係想有個人可以支持我 ...
我有捻過好多野,包括租樓佢兩母女住,唔比屋企人知
同我朋友傾完,我忍唔住好想打比佢
不過最後都冇打 ,1 點左右佢突然打比我,我成個人都精神哂
我: 喂?
佢: 我老公岩岩汁哂d 野走左....
之後又約左佢出來飲野傾左成晚
其實同佢一齊真係有好多不利恩數,可能男人就係咁衰...
我決定今晚同佢講清楚 恨心d 都要
擔心會發生既事終於發生
佢老公昨晚終於打電話黎
佢老公應該未知我名
佢老公: 你係邊個,做乜成日都同我老婆搞到咁夜先反?
我扮苗 : 我係佢d 麻將腳者,佢話要上數我都冇計架!!
佢老公 : 你邊飯架 ? 你知唔知佢有有老公同女架 ?
我冷笑左聲 : 哼 (我係笑佢同我講黑,)
就cut左佢線 ,之後又打電話來
佢老公 : 唔好搞我老婆,唔係小心d
我 : 我同佢冇野架 ,唔該你唔好再打黎 ,我報警架
再cut 佢線 , 講真依加咩年代,仲細咩同我講黑社會
我真係未驚過 ,最多咪報警 ,我最驚係驚動到我屋企人!!
今日佢都仲有打比我,講反昨夜件事
原來佢老公係搵佢打出次數最多既電話打去
不過我覺得佢老公都唔係傻仔,
估唔到10足都應該係估到9 成先打來
又可能係佢d 朋友同佢老公講掛
我發覺要我親口同佢講我係講唔出口
我都係打算打一偏sms 同佢講清楚算了
寫到呢度好多戲你機咁有心去睇我寫咁多字
件事唔會拖好耐好快我會有個終結
轉載請註明來源：今天頭條