陪住香港人大嘅兒童節目主持譚玉瑛，日前爆出被TVB以改革為由踢走，迫月底約滿嘅佢轉做顧問，收入大減，網民力撐譚玉瑛姐姐到底，狂轟TVB。

今日有報道就訪問譚玉瑛，佢話TVB要佢簽兩種約，第一種兒童顧問係兼職形式，另外一種就係普通藝員約就一年十幾個騷，變相係一個月一個騷左右。以往佢嘅包騷藝員合約，騷價七千，以每周佢有最少三集《放學ICU》出街，計下條數，每月收入分分鐘達9萬。

不過新普通藝員合約TVB只承諾每月包一個騷，如果冇安排工作，咁月入只得7千，問到譚玉瑛收入係咪少咗成半？佢話:「有。影響我生活，而且合約簽得一年，一年之後係點，冇人知，我要諗下。」

之前譚玉瑛已經講過唔鍾意拍劇日夜顛倒嘅生活，不過一向好「化」嘅佢話:「日子總要過，咩開心同唔開心嘅事情總會過去嘅，年紀大喇，仲喺度忟忟憎憎，仲十八廿二咩!」有指最近有出版商搵譚玉瑛出書寫人生起跌，問佢係咪主要寫喺TVB所受嘅冤屈，佢話:「寫嚟寫去都係嗰啲嘢，我喺無綫咁多年係有好多嘢唔開心，不過我放低曬，我性格係咁，費時激親自己。」佢又話有機會搵周星馳同黎芷珊寫序。

同男友「不結婚不生仔」嘅譚玉瑛，訪問到最後再次表明佢都幾灰(或幾化)嘅人生觀:「我覺得做人唔算係一件好愉快嘅過程。我整咗個人出嚟，都唔make sure佢會一生快樂，咁講唔通囉!」

譚玉瑛甚至有一排因為一集《放學ICU》講替補機制嘅荒謬，做過「民主女神」。

兒童節目冇咗譚玉瑛，好多香港人會失落。

依家可以叫得郁星爺嘅人唔多，譚玉瑛係其中一個。

識於微時

那些年的譚玉瑛姐姐，其實靚女不亞於其他花旦。

文章來源: https://www.twgreatdaily.com/cat43/node1431486

轉載請註明來源：今天頭條