話說平時都唔係好敢買衫褲..
一條褲同一件衫可以著足2 星期( U RIGHT未汁之前買 )其實外型唔太毒..識著的話
但因為讀左POLY 呢D 潮童學校..見D人個個都著得好潮咁
如果我再著完本果D衫就會比人排斥..(雖然而經排緊)
所以諗住打聽下佢地響邊到買D衫返黎著(由於我朋友唔多..所以揀左偷聽)
我上星期聽到有2 個男仔講緊買衫果D野 ..話咩做SALE..所以決定跟住佢地諗住打聽下佢地邊到買衫..
但一聽之下聽到 咩 I.T！??...我開頭以為揀錯人...搵左2 個讀 IT GE毒撚
點知我響高登都見過人講呢個字..所以上網search
search完之後知道旺角有 it..所以專登早d去..點知成早上 8 點幾都未開門....
我響等門口等左 3 個鍾到...終於開門
我響門口企左成20分鐘都唔敢入..d sales 眼望望咁...之後我衝左入廁所
面住個馬桶係咁講粗口...又諗下軍曹點樣支持我...之後就諗住用跑ge方法進入 I.T
入到去D SALES係咁同我講野
我由中2 果年開始就冇再同女仔講過野(咁又誇張左D..以前我同小食部個啊姐幾熟)
有個女SALES (高我6/3個頭到)係咁叫我買條褲
我話我咩都唔識..我問佢洗唔洗比左錢先有得試身
之後佢好有禮貌咁話唔洗
我果刻好開心..開心GE唔係唔洗比錢..而係我成功同到女仔講野
我就咁入左試身室...其實我冇試到條褲..企左2分鐘到
就出去比錢
我拎上年新年D利士黎比...但帶出黎之前唔記得左開封利士
之後係個SALES 面前開..佢唔知點解笑左一笑..
之後我就好驚咁話唔洗找..之後係咁跑出間I.T...
由於我12點到就買到條褲....諗住晏就有堂可以即刻show比d同學睇
但我驚d同學好大鄉理唔知我條褲響邊到買...
所以我條褲冇剪到牌就著上身..比人睇我條褲響i.t買 (其實呢種自豪心理係人都有)
但我又驚同學人笑我著得唔好睇..所以我原本條褲冇除仲著響裡面
等d同學一笑我就跑入廁所除左佢,當冇事發生過
我一返到學校...我得到前所未有ge滿足
d女同學係咁望住我..(我覺我自己有小小似周拍豪)
佢地一同我有眼神接觸時..我就單一單眼示意佢地望望我條褲個牌
等佢地知道我條褲響it到買
轉載請註明來源：今天頭條