唔知依家個社會係唔係唔接受90後去見工
門口貼住急聘 走入去見
我覺得依家香港雖然好多後生可能讀唔成書
但唔代表個個都係冇心走出黎社會工作
我入得去見都係帶住誠意入去見
個老闆娘話我唔似18歲叫我俾身分證佢睇下
睇完佢仲要唔信我 問後面啲同事 98年係咪即係夠喇
同事雖然話夠 但佢都係寧頭唔請 一副唔相信我既樣
我覺得你貼住紙話自己請壽司學徒
咁最基本就係 對方有心學 而且肯學就慢慢會上手

你連機會都唔俾人 仲貼住急聘貼咁多日 事實睇黎你一啲都唔急
我雖然對依門野冇興趣 但我覺得搵到一份工已經好好
冇經驗既咪慢慢黎 日日對住同一樣野而且自己有心去學
一定唔會話上唔到手 可惜依個社會總係好多人抹殺住你既前路
覺得後生就=冇用 後生就一定玩玩下又冇能力做到
其後去其他鋪頭見 離譜到話我:你唔得嫁喇 唔好曬時間啦
咁搞成個香港讀唔成書既就成世都唔洗走出社會啦

根本唔係後生唔去拼唔去搵野做 係根本冇人肯教佢地野
冇人願意俾一個機會佢地 坐過監既出到黎都話唔好用有色眼鏡睇人地
依家啲後生仲衰過坐過監既人 連一個機會都冇人肯俾
出到黎冇人脈 啲朋友仲讀緊書 自己想搵份工都冇人願意請
一片迷茫 自己初頭覺得想搵份自己鐘意做既
但其後都諗通覺得有工就見啦 人地肯請咪學下出黎吸收經驗
自己中途走出黎已經冇得揀 有野學已經好開心 有人請已經好幸福
可惜根本冇人願意俾個機會我

轉載請註明來源：今天頭條