唔知係咪我太傳統, 保守~~定還是我同社會甩脫節左~~

而家d人興先大肚後結婚~?

話說早幾個月有個中學同學(男)無啦啦話搞大個女朋友個肚

我地成班朋友都好嘩然~仲話佢呢世咁就完左, 落老蘭都要等朝早

佢女朋友得21歲, 可以話大家都未定性~未玩夠

但因為一個小生命既誕生, 令佢地兩個都無得揀

亦都唔知自己有冇揀錯, 因為一切都不由自主

到呢個星期, 我又收到多2個朋友同時大肚~

一個因為去澳洲Working Holiday識左個鬼仔

拍左半年拖, 岩岩發現有左~咁就決定當地註冊

我當時聽到呢個消息呆左一呆~不過都係開心事黎既

另一個都係同佢男朋友拍左唔夠一年, 月頭岩岩知道有左

而家已經有三個多月, 我一聽到想講"又大肚, 呢排d人咩事呀?"

極速排左期10月中註冊+擺酒

(仲要早我一個星期, 我早成家planning做乜鬼= ="人地2個月搞掂)

但佢地兩個都搵得唔多, 住既問題都未解決, 真係唔知可以點行落去

佢仲問我去唔去飲佢地果餐, 我初頭都話ok

但諗諗下好似同一個月唔去得飲人地果餐

所以唯有心中祝福佢啦~

總結, 3個cases都係拍拖唔超過一年

究竟事件發展落去將來大家會點?

其實生BB真係唔使Planning?? (雖然有左真係件開心事)

希望3個cases最後都係幸福快樂, 唔好令自己將來後悔

轉載請註明來源：今天頭條