女版吳孟達撐港女：老外有安全感！

港女擒老外玩出火，但同樣愛喺夜場獵仔，外形豬扒但自稱 11年溝 14條仔的「女版吳孟達」貓貓，卻力撐 2位港女錯唔曬，又話覺得同老外拍拖會「更有安全感」，但貓貓堅持自己唔會一夜 情，「我未試過喺夜場識人上床！」呢啲嘢雙方面喎！

25歲矇眼哨牙略肥仲要零妝，靠玩得同 36D上圍在夜場拉客抽傭為生的貓貓， 5年來每晚在夜場蒲，對於 2名港女老蘭湊鬼惹禍，貓貓有另一套見解，「點解啲人唔諗嚇個女仔點解唔揀個港男先？可能係個男仔有問題呢？我有啲 friend都同鬼仔拍拖呀，佢哋話同鬼仔拍拖有安全感啲，可能佢哋大隻啩，我就唔會啦，因為我英文唔好，淨靠身體語言唔得㗎！」

老蘭港女疑似同老外爆房一夜 情，但貓貓堅稱自己唔會在夜場識仔上床， 14歲便離家出走的貓貓說：「我係因為職業問題同鍾意跳舞可以蒲啫，好多人只會留意我樣以下（ 36D身材），我又冇所謂嘅，不過一定唔會玩一夜 情啫，唔一定要搞嘢嘅，我唔係嗰啲女仔。」

港女食鬼搞出禍，貓貓自稱中學時原來都俾老外追過，她說：「本來都想（拍拖）嘅，但諗諗嚇異國戀都係冇好結果，所以拒絕咗！」

現年 25歲的貓貓，今年 3月還同男友 Eric愛得火熱公開錫錫，但上週五（ 16日）貓貓接受訪問時，竟表示已分手：「性格不合囉！做訪問嗰陣都想散㗎啦！」網上圖片

居港鬼模：港女好易呷醋！

D先生食勻亞洲，現居港已 1年的美籍男模 Josh Duhon對本刊表示，外國人追港女的確有優勢， Josh說：「我冇睇過條片，不過呢啲事（爭女）成日都發生啦，可能大家成日覺得外國人比較易識中國女仔，所以有少少妒忌我哋囉！其實我都同香港女仔拍過拖，覺得香港女仔好可愛，好聰明，但係又好易呷醋，我比較鍾意俄羅斯同巴西女仔多啲！」

Josh來港一年，如想識外國人，他推介位於中環雲咸街的 Socialito（下圖），佢話逢星期五、六都好多老外企喺度飲酒吹水。

熱點（網上圖片）

除咗喺酒吧識老外，本地有 speed dating公司月初就搞咗港女同老外見面會，港女收 4,800，但老外則免費，本刊曾致電該公司，但截稿前仍未有人回覆。

轉載請註明來源：今天頭條