網路世界騙徒多，一張45度斜角大頭相加一個app，豬扒都可以變女神。繼早前，一名正妹跟貴婦狗合照，正妹為咗擁有「修長雙腿」，不惜連腳帶狗一齊拉長，結果貴婦狗變草泥馬；最近，有網友喺Facebook貼出照片表示：「修圖修到⋯⋯後面的同學怎麼了？」初頭睇照片中左邊的兩位女生皮膚白皙、秀麗長髮，但細心看，右方向後看的男同學竟然扭曲成「長頸鹿」，連課室門也扭成一團。呢個世界，總有啲人，漠視旁人感受，只讓自己專美，以下4個自私鬼守則，你身邊有無人係咁？

一班人自拍，死都唔揸機

自拍嗰位朋友，永遠都係Pizza面，而自私嗰位唔單止唔肯拎相機，怕大頭唔靚之外重永遠攝係中間位。

Post相完全無視他人

哪怕其他朋友合埋眼定樣衰衰，佢睇樣嗰陣只會focus自己個樣，post張自己最靚最瘦最索嘅，其他人？Who cares?

齋執自己個樣

影完相，花上15分鐘至30分鐘執相，自己又拉長條腿又撐大隻眼，其他人？天生麗質唔使執啦！

Tag唔到佢

如果upload上fb，佢可以tag你 (兩個人多啲Like)，你絕對tag唔到佢，因佢唔畀未經自己手執過嘅相片流出。

文章來源: https://www.twgreatdaily.com/cat43/node1163770

轉載請註明來源：今天頭條