大台嘅《愛·回家之八時入席》收視一直麻麻，於是頻頻搵女星客串谷收視，好似三點式張秀文同宅男女神陳瀅等，最新更有完全唔知邊位嘅簡淑兒，但佢嘅出現的確令人眼前一亮，不少巴打瘋狂cap圖，大讚佢靚女可愛，演出唔造作，好過邵佩詩多多聲咁話。

唔講唔知，呢個簡淑兒曾參選2012年港姐，同屆有張名雅、朱千雪、黃心穎等，但咁靚咁可愛成個Angelababy 都落選？非也，當年簡小姐個樣，眼細細，阿姐感覺濃郁，入到圍已經算可幸；事實上，港姐的確係令人更自信更美麗的一個工場，你睇同屆嘅黃心穎，闊面加埋排西瓜牙，真係嚇死人；仲有仲有，冠軍張名雅從前是Model仔，小編曾經都同佢接觸過，樣子跟而家係兩碼子嘅事，連雜誌Casting都落選，結果佢改名換姓參選港姐。

其實，整容係呢個社會愈來愈普及，係韓國根本就係茶餘飯後的事。整容後，前途一片光明，尤如轉運一樣，無論工作、搵男人定心理質素等，靚女的確有以下4大著數，拿拿拿我唔係鼓吹整容呀，我都係喜歡純天然美女多啲！

1.有利工作

係人都鍾意靚嘢，男上司更加，帶出去見客都威啲！所以，如果以同一學歷及工作經驗來說，靚女機會點都比較大，尤其係需要見客的行業，靚女跑數特別多。美國曾有調查發現美女的人工比樣貌一般的同事高8%。

2.隨時飛上枝頭變鳳凰

個個男人都想搵靚女做女友(老婆另計)，靚女自然多人埋身，由窮人飛上枝頭變鳳凰的機會也較大。

3. 貴人相助

靚女總有好多貴人相助，待遇較一般樣貌好，係人生路上點都順暢得多。

4. 好心理質素

如果你係天生靚女，細細個已愛萬千寵愛在一身，大個又得到特別待遇，心理質素較一般人好，通常都較樂觀。

轉載請註明來源：今天頭條