禮物唔使好貴重！最緊要系你肯送！送禮物俾女朋友Mary，系阿強最頭痛，但亦系最窩心嘅事。

每次到紀念日，或者大大小小嘅節日，Mary都會話：「唔使送太貴嘅嘢，我要嘅繫心思，明唔明？」

明！阿強死都話明！

但其實「心思」兩隻字太抽象、太個人化。其他人覺得幾千蚊送個袋叫心思，或者搞場大龍鳳送花唱歌～而Mary為免阿強呢個蠢男友誤會，就曾經喺上年聖誕前，好不經意地提及過，何謂「心思」：

「你平日要留意我鍾意啲咩、鍾意咩風格嘅嘢，唔使次次都送俾我，知道已經好好。」

（當然，突然間俾個驚喜佢，送佢睇中嘅嘢當然最好。阿強最鍾意睇佢個Surprise樣！好有滿足感！）

「或者，我呢排最需要啲咩，你細心留意到。喺我最無助嘅時候，唔使我問出口，你已經主動喺我身邊幫我。」

Mary咁講，令阿強記起有次鼻敏感好嚴重，Mary就上網搵咗好多唔同嘅產品，睇咗好多唔同嘅資料，最後行行下街，突然喺個袋拎咗啲嘢出嚟：「睇下我買咗咩俾你！」

阿強當然有一刻以為系佢想買好耐嘅iPhone6s啦。

但Mary拎出嚟嘅，系一樽健康產品：「對你個鼻好架！袋好佢，記得每日食！」

而阿強又記起，每次佢唔舒服，Mary都會愛理不理咁話：「得架喇，無嘢喎，唔使擔心，瞓下就會好返！」

一個好小嘅舉動、想法，就繫心思嘅表現。

Mary：「仲有，一定要系親手整！」

阿強：「但我整咩都好差，唔見得人～」

Mary：「你寫幾隻字，畫火柴人，我都好開心。」

阿強：「我火柴人都畫得好樣衰～」

Mary：「唔使講咁多！只要系你送，就足夠。」

阿強：「咁我明喇！」

然後，今年聖誕前，阿強送咗一片樹葉俾Mary……

「嗱，我親手執架！」

講完呢句，阿強望一望Mary嘅表情，跟住迫不及待，講埋下一句：「仲有呢只戒指，我愛你BB豬～」

轉載請註明來源：今天頭條