不知不覺原來唐詩詠已經入行16年，

小編一直都好鍾意佢，

覺得佢外形清純，樣子甜美，有身材有樣貌，

可惜多數都喺擔當配角嘅角色，

一直都未有機會上位，默默耕耘中。

雖然唐詩詠唔高調，不過之前就被古天樂欽點系《逃出生天》飾演其未婚妻，原來古仔表示睇電視有留意佢，覺得佢好適合此角色。

所以唐詩詠演技唔差，之前更為劇犧牲，三度被「強 姦」，分別喺《鐵馬尋橋》、《神探高倫布》、《梟雄》演強 姦戲，而佢噶演出更獲得一眾好評，系2010年憑《鐵馬》阿雁一角獲得「萬千星輝頒獎典禮飛躍進步女藝員」獎，自此人氣急升，系《神探高倫布》更飾演第一女主角，不過可惜此劇收視唔高。

事業上未進一步，就連感情都不斷遇到阻滯呀，樣靚身材正嘅阿Nat，系愛情路上，遇到噶渣男不斷，曾經同餘文樂、崔建邦拍拖，一個接一個，也沒有結果。

蔡思貝硬撬洪永城？ 唐詩詠與洪永城拍拖就圈中所知，而且一直以來，阿nat對男方一心一意，人前人後都好恩愛。但佢哋噶情路就唔多順風順水喇。

早前洪永城與黃翠如拖手行紅地毯一幕系網上瘋傳，引發連串花邊新聞，全城似乎都覺得洪永城同黃翠如先喺一對，好似唐詩詠系第三者咁。

可能大家都有另一半，而唐詩詠都沒介意，接受訪問時依然表現大方，而且仲同黃翠如做咗好朋友，可謂愛屋及烏！

雖然有個好女友，不過作為新一代小生嘅洪永城都有好多誘惑，好似近日永成同新一代姣精蔡思貝拍劇，就被傳撻著。

傳聞蔡思貝拍劇期間一直狂聊洪永城，拍親密戲完全放開，近日兩人更被影到去運動場私會，跑步為名，調情為實。

有傳唐詩詠已經狠撇花心男，更搬離對方系西貢噶愛巢。

最浪費青春的一段情 講到唐詩詠噶感情，大家最熟悉一定喺佢同崔建邦嘅一段情。系2005年因為主持節目而撻著，可惜男方不時背住女友夜蒲偷食，以致兩人多次離離合合，分手復合再分手，拖拖拉拉長達十年。

其實崔建邦偷食都唔系咩新鮮事，佢曾經多次偷食被斷正，不過唐詩詠一樣喺默默承受。

直到2009年，靚模鄺敏慧報警聲稱被崔建邦虐打，惹來全城關注，男方形象跌至谷底。雖然崔建邦負面新聞纏身，但唐詩詠依然多次公開表示信任男友，更寫抵留言力撐對方。

女生嘅青春有限，但唐詩詠依然對男方不離不棄，專一嘅程度已經近乎麻木，真喺旁觀者都不忍心睇。PS.幸好最後唐詩詠都狠撇對方。

有一種女朋友叫唐詩詠 系唔系好嘅女仔都特別容易遇上渣男呢？小編真喺唔清楚，不過對愛情專一又認真嘅唐詩詠就好似一直都未能遇到一個可以託付終身嘅男友，最近佢更被網友封為「中國好女友」， 點解稱之為中國好女友？小編就數一數佢噶優點。

唐詩詠為人體貼：早前佢被記者拍到同馬國明、林子善等人一齊食飯，期間唐詩詠更剝埋蝦被馬國明食，之後仲遞上紙巾，真系好窩心！但原來剝蝦都未夠，詩詠為人為到底，飯後仲車埋馬明走。難怪事後馬明都大讚：「佢不嬲都賢淑！」

易相處：宜家「港女」盛行，好似唐詩詠呢D咁識照顧人嘅女友真喺好難得，對身邊人一視同仁，又樂於照顧朋友。而且唐詩詠圈中人緣佳，唔少同佢合作過嘅藝人都會成為其好友，包括鄭嘉穎、黎耀祥、胡定欣、鍾嘉欣、田蕊妮......

知慳識儉：唐詩詠為人都幾慳家，好似佢部白色甲蟲已經揸咗五年以上，都未換過，你要知道好多藝人賺咗錢都鍾意換車，但唐詩詠即使系年前意外撞車，佢都四處去車房格價先摞去維修。

親民：好多藝人身邊都會有助手，不過慳家嘅唐詩詠通常都系自己去超市購物，一D明星架子都冇。

識持家：唐詩詠日常生活精打細算，所以一樣好有生意頭腦。2014年佢系一個市集上，引入台灣三文治，呢個三文治系當地大約賣6蚊港紙，但唐詩詠就以40蚊一件賣出，據知半日已經賣出1600件！所以如果有唐詩詠做女友，完全放心將經濟大權交俾佢。

有愛心：唐詩詠好鍾意貓狗，屋企更養咗兩隻貓，詩詠錫到佢哋爆，咁愛惜寵物噶女仔，人品自然都唔會好差。

唐詩詠一直都keep住清純女神嘅形象，而且都非常有觀眾緣，小編一直都好鍾意佢嘎，希望TVB多D搵佢拍劇，胡定欣挨咗咁耐都終於上位，相信你都快噶！感情路上亦都希望你可以快D遇到你嘅Mr.right喇！

【特別聲明：圖片&視頻源於網絡資源，版權歸原創者所擁有。文字由「廣州吃貨」編輯創作，轉載請註明出處】

轉載請註明來源：今天頭條