阿姐攞舊鐵當贏
一年一度高登盛事高登女神選舉又到第四屆，年年都幾乎自動當選嘅人妻Kay，又係由頭帶到尾，四連霸高登女神榜首， 不過今年都有好多新面孔，仲有老有嫩添！
游蕙禎，又叫游BB、蕙禎BB、游主席，即係喺區議會選舉以三百票僅輸俾梁美芬嘅青年新政成員，22歲又靚又叻又有心！
杜小喬無熊仔頭加持升到第三（上屆第五)算keep到，高登仔喺自己地頭就當然煲盡最「敬重」嘅汪阿姐，68歲嘅汪阿姐終於有獎啦。金銀銅冇份執返舊鐵都好，有高登仔話邊個好心快快送舊鐵俾阿姐等佢開心返喎。
阿漿包尾（高登圖片)
年年有份嘅魯芬排第五比上屆大升12級，大家以為佢年年有份嘅夏蕙BB，原來係今年先打入廿大咋。上年「M Club」少女版嘅王敏奕陳嘉寶吳嘉熙落曬榜，反而上年入唔到嘅陳瀅，今年打入第六位，一定同本「藝術寫真」有關啦。
今年高登非常敬老，估唔到夏蕙BB係首次入廿大！
阿槳都首次入到女神榜，不過係包尾囉。大跌嘅仲有今年跌出十大嘅黃翠如，大台太大力捧，確令人好反感。
黃翠如排名急跌，由第二屆亞軍，第三屆季軍大跌到第12位，低朱千雪一級高小鳳姐兩級咋。
而對上三屆都打入十大嘅吳若希被褫奪提名後，果然成為高登棄婦，果然寧得罪拉登。
鍵盤戰線嘅鄺頌晴入到18位，19歲咋！
轉載請註明來源：今天頭條