香港明將壽司喺業界向有「地獄壽司店」稱號，唔單止香港出名，連日本網站《Rocket News24》記者亦親自飛嚟香港試食，其「地位」實在國際級！雖然近排市面出現過燒味壽司，但始終動移唔到明將嘅地位。

但近日網上就瘋傳一套壽司嘅圖片，呢一set壽司，其災難程度絕對有實力挑戰明將—–因為佢哋係昆、蟲、壽、司。

text-專題組

有網友話，呢啲壽司應該係出自泰國，因為泰國人一向有食開油炸昆蟲咁話。

但呢啲昆蟲壽司料理絕對唔馬虎﹕有埋青蔥、醬汁等等配料，做得非常細緻，唔多似出自泰國人手筆。筆者覺得反而似日本一對勁出名、專整昆蟲壽司料理嘅夫婦﹕Shiochi Uchiyama同Chisato嘅「作品」。

大家睇下Uchiyama潺食得幾開心！

呢對夫妻可謂「天生一對」，平時最鍾意喺屋企研究昆蟲料理，鍾意用湯浸、油炸嚟處理昆蟲，08年重出咗本cook book叫《Fun Insect Cooking》，大家有無興趣買本嚟試下整？

轉載請註明來源：今天頭條