我唔知可以做咩去改變上水，有時陪住自己喜歡的地方一點一滴咁死去，其實都係另一種浪漫黎既。
/ 屌，住上水仲慘過比人屌屎忽。
人地元朗多水貨客，我地上水多水貨客，點解人地有Yoho Town，有Zara，有H&M，我地呢，淨係有SaSa，Colourmix，同埋仲多過7-11的藥房，連大家樂都同我執柒埋。
頂，多藥房都算，上水真係去邊到都咁撚遠（除左番大陸），如果你番工要過海，我真是恭喜你啊，你每日的交通時間坐底3個鐘。3個鐘，可以做咩，去一轉台灣，睇2套戲，煲3集太陽的後欄‧‧‧，屌，唔好同我講呢D，我淨係知，3個鐘可以訓3個鐘覺，完。
打你每日番9點中環，而你好似我咁不幸，需要用15分鐘行去上水貨客火車站，再用30分鐘（如果無故障），坐火車去九龍塘，再係九龍塘坐去旺角，再係旺角坐去中環，再行番公司，需要的時間係至少個半鐘，即係你7:30就要出門口，即係你7:00就要起身。
Fine，7:00起身，算係咩，但係你要知道，如果我6:00準時收工，我番到屋企已經係7:30，而根據學者（我阿媽）的經驗，人每日係要訓8個鐘先可以正常運作，即係話，你要係11:00前訓上張床，兼且1秒入睡。亦即係話，你放工，屬於自己的時間，只係得番3個半鐘，大前題是你唔洗OT。
既然，比人屌屎忽是無可避免，咁你都可以幫後入你個條友搽下油，比人爆菊都舒服D丫。
交通時間係無可能縮短，咁我都希望，唔洗逼地鐵，唔洗比麻甩佬噴氣落我塊面到既。978係你的選擇一，如果你番工個頭近郵政總局，不過，巴士始終要等耐D，雖然行西隧，但係一出到中環都係會有少少塞。加上，7:30-8:30呢段時間，你都唔洗自意有位坐，全程企係勁Chok的巴士上面，其實少攰。好處是，一程巴士搞掂，巴士逼極有個譜。
第二個選擇，你可以由上水坐到去紅磡，再過對面坐西鐵過尖東，再係尖東行去尖咀，坐兩個站去中環，全程唔洗逼，唔洗係九龍塘做難民，逼集中營咁款，唔洗係旺角做walking dead，追住D人黎咬，其實都只係花多5分鐘左右，仲可以避過地鐵故障，因為你都只係需要坐2個站only。
仲有一點，坐火車的時候，盡量企中間，唔好企幕門側邊個D靠位，因為當你去到大埔大圍的時候，一大堆人湧入黎，你係會有機會同麻甩佬近到嘴嘴。
不過，如果你鍾意咁既，我係唔會阻你。仲有，如果你想坐，咁你可以企係D內地學同隔離，佢地粉嶺太和就下車架啦。
唉，其實細細個個陣，我真係好鍾意上水，空氣清新，D野又平，又多舖仔比我行，人少少，陶淵明咁樣樣。我唔知可以做咩去改變上水，有時陪住自己喜歡的地方一點一滴咁死去，其實都係另一種浪漫黎既。唉，屌。/
轉載請註明來源：今天頭條