是咁的，有些時候公關很愛製造災難。例如so-called法國品牌Lancôme，近來請了何韻詩去活動，HOCC開心到係Facebook同大家分享。但係，強國憤青知道後，立即講到明封殺。Lancôme嚇到話何韻詩只係黎表演，唔係代言人咁話，仲同大家道歉。為咗班強國憤青同討好大陸人，香港人當然嬲爆。

聲明出咗之後，嬲嬲豬的反應超過7000個。好多香港網民話：「一個國際大牌淆底成咁，真係肉x 酸！」，仲有唔少建議呢個品牌快啲離開香港，係大陸開專櫃算啦（編按：其實開咗啦⋯），「依家最大問題就係國際品牌不敵強國利益，自斷雙臂！」。還有人話「本來Lancome請HOCC係對呢個品牌另眼相看，但而家你哋低能到出咁嘅聲名，直程即刻blacklist左你哋啦！有冇腦㗎！」。最強勁嘅係，有聰明的網民提醒大家，呢個品牌係用動物做實驗咁話，晨早就唔應該買咁話。

明明大陸憤青平時講封殺都係得個講字，之前話封殺日本嘢，但大陸去日本搶購的人從來都無少過。Lancôme今次突然自製公關災難，真係唔知好嬲定好笑。最搞笑嘅，係Lancôme出完聲明，除咗激嬲曬香港人外，大陸人條氣都唔會因此而順番。兩邊都得罪曬，真正笑咗。

搞到HOCC 上星期仲好開心咁SHARE佢幫Lancome

【特約窮歌女呈獻～6月19日

LANCÔME with HOCC@POHO】

正所謂，一係唔發市，開齋後有品味嘅客戶接踵而來，今次最新上榜嘅客戶朋友，有LANCÔME！掌聲菇勵菇勵一下先唔該～～～～！！！！

做咗一陣失業人士、飾演完旅人、OL、村菇、廢鐵嘅多重角色之後，今次終於有人搵我回歸我最原始嘅角色，歌～～～～女～～～！！！！

六月十九號下午三點，我將會去到普慶坊嘅CAFÉ DEADEND為大家獻唱多曲，雖然未係大家不斷問不斷問不斷問不斷問不斷問不斷問不斷問不斷問不斷問不斷問嘅紅館，但係作為一個熱身，可以近距離接觸嚇我，唔洗俾錢買飛就有握手位，係咪聽落都好KAI SIN呢？？？

https://lancomepoho.com/

嗱嗱嗱，唔好話唔提你地，手快有手慢無，快啲去呢度報名，報名方法自己搵啦，搵唔到我都幫你唔到。

話唔定唱完呢個活動我就有興趣話你知紅館係幾時呢，嘩咪走雞啊。

轉載請註明來源：今天頭條