有時幾好奇D女人係咩心態～

話說我家姐同佢之前條仔拍咗拖九年，搬埋一齊住，都談婚論嫁咖喇。

後尾條仔又話咩唔夾，又話咩想自己一個，又話咩未準備好，總之分明出面識左第二條女飛我家姐啦。

咁分咗手無耐就見條仔POST曬FB拖住個死MK妹，都唔知夠秤未，大家都心知咩事啦。條仔老豆老母仲搞笑，竟然搵返我家姐，話唔睇好個仔同個死MK妹，話咩其實心底裡都係想家姐做新抱，仲成日叫佢上屋企食飯，有咩家庭日都拉埋家姐去。

我家姐自己係心諗應該同條仔係有機會一齊返既，因條仔又好似成日好緬懷過去咁，同埋話曬一齊九年D感情都唔係假。

點知拍咗嗰一年拖，失驚無神條仔竟然話同個死MK妹閃婚，都唔知係咪搞大咗肚。

我本身都心諗好彩條仔老豆老母未癲到請家姐去飲，

但點知個死MK妹臨擺酒前一晚居然WHATSAPP我家姐話佢結婚最希望得到嘅就係家姐既祝福，話咁先解開到新郎心裡面個包袱。我望住家姐全晚係FB喪睇佢哋結婚擺酒D相係度喊，

我好疑惑究竟一個咩女人會專登SEND個咁既短訊去刺激老公個前女友…

MK文化，即旺角（Mong Kok）文化，為香港地道用語，以指明其獨特的社區文化。由於旺角是香港主要售賣潮流物品的集中地，亦有很多針對年青人的娛樂場所，包括卡拉OK、格仔店和戲院等等，該處逐漸成為很多追求潮流的年青人結集及約會的勝地。其中瓊華中心和潮流特區被認為是MK文化的發源地[1]。

MK人則是指向在旺角地區出沒的部份年青人，但是不一定指向居住於旺角的青少年。一般而言，男性被俗稱為MK仔，女性被俗稱為MK妹。

2007年起，又出現了一個新的詞彙──潮童，指向一些特別崇尚名牌或者喜歡穿著特殊服飾的MK人。 在性格方面，與他們不熟悉的人會覺得他們冷酷，關係友好的人會覺得他們瘋狂。

轉載請註明來源：今天頭條