無錯 論情 家庭親情當然係永遠第一

愛情亦係非常重要 的確係缺一不可

但我想講 男人嘅友情 呢種情

永遠只有男人間先明 而且 唔洗講都會明

愈大就有愈深體會

事實上 可能係無任何實質嘢去俾你體會

但係你自不然就知道

當中 包括曬情與義

情 當然係一直以嚟 兄弟之間嘅感情

開心 唔開心 好簡單 落機舖 宵夜 劈通頂

食飯 茶記又一餐 打邊爐又一餐 乜都得

隨時都可以即興 放工就約掂

義 指係工作上 情路上 幫得嘅 盡量都幫

會直接Hi 你邊到唔啱 有咩地方要改

被Hi者 又會聽得入耳 知道對方係為自己好

最重要嘅係 唔洗多嗲 係咁 就咁

而錢銀上 對兄弟真係愈嚟愈唔會計住計住

如果難得先見一次 邊個俾又有咩所謂

最緊要都係開開心心

幾枝酒 幾把口 男人老狗 簡單就夠

轉載請註明來源：今天頭條