事源我係個應屆dse生泥，想搵番份兼職儲經驗同賺錢，點知......

本身我起Facebook 個招聘post 話請文員，話只係輸入資料同打字,但係我又個陣冇留意個post冇寫佢個公司名（我知我蠢)，就去左見工，面試時候好普通，但係佢有介紹佢公司做乜，同照講番文員嘅工作，其實佢有講過佢公司好急人用， 所以佢想我即時返工，但係我唔得所以我就今個星期一就返咗工啦

一入到去佢好朝早就又要開一個嘅早會啦，全公司人都會集埋一齊開會。期間佢有叫啲經理出嚟講返倫敦金嘅行情，之後就叫曬我哋啲新人出嚟介紹自己。

然後個大老闆就問我哋啲part-time嘅人，其實你做係為左啲乜，個個叫出嚟嗰啲人都話係為咗賺錢同埋賺經驗。之後個大老闆話你依度係唔係俾你賺經驗，係俾你賺大錢，我嗰陣聽到嘅時候都覺得好奇怪。

然後過咗個早會，個組長就叫我哋每個part-time逐個逐個入房傾計啦。點知佢入到佢話其實依度唔係俾你做文員係俾你做經紀。即係叫我啲客返嚟叫佢哋買倫敦金，當初我以為冇咩事，因為我覺得都冇乜嘢姐點知佢話要我用另一個身份，用一啲嘅交友程式去叫啲客人去買，不過當初係同佢地傾計之後引人落搭嗰一刻，我嘅心已經好唔舒服。之後佢第日就要我簽約，只不過係列明左有終止期，但係冇仔細話幾多個月內。

個老細仲規定每日要搵幾多個客人加入wechat，我依家真係唔知點算好，我只不過係一個DSE嘅畢業生，完全冇諗過話要賺大錢，而家我都唔知點辭職好。

我寫呢篇野唔只係想尋求意見架，我係想提醒咁多位無論係新嘅畢業生出嚟,定係應屆DSE新都係要小心啲呀

轉載請註明來源：今天頭條