我個妹係一間製衣buying office做Senior Merchandiser,佢對落一兩個Assistant Merchandiser既,而我都唔係醒目過人架啦,但聽我個妹呻完,先知道一豬還有一豬兜

有次我個妹間公司用開間廠突然有大鑊野,咁我個妹就通知佢個助理一個鐘後要同佢返去大陸間廠睇下發生乜事,同順便睇埋生產進度啦,而佢個助理竟然到我個妹話要出發果刻先去執返去睇廠既相關料資.................既然講左話一個鐘後要出發,點解當時唔即刻執定,而到出發果刻先雞咁腳咁執呢?

仲有更神奇既係,個助理同D廠傾完電話後,從來唔會寫返份備忘E-MAIL俾間廠同我個妹同相關人士,到有問題時間廠就唔認數而口同鼻拗

更加既係我個妹叫個助理搞樣野,個助理就先搞其他野,到我個妹問搞掂未,個助先話佢未搞,因有其他急野搞喎

我學識好低,一直都係做最低層既工種,但我都識老闆叫幾時要出發落廠或見客,一定第一件事係執好落廠或見客所需既資料同樣辦,等一出發就可以即拎野走,仲要記熟相關既資料,就算唔記得都搵張紙寫定D重點資料等到時老闆一問就好快答到................員工係要老闆解決問題,而唔係落老闆面

同埋老闆叫得伙記做既野一定係最急架啦,唔急既話老闆都唔駛特登開到聲叫伙記做啦

轉載請註明來源：今天頭條