相信大家對於好多平價壽司一D都唔陌生，但點解呢類迴轉壽司店可以賣到咁平？會唔會係用咗一D不知明嘅魚？！由於佢哋與貴價魚類嘅外貌及味道亦十分相似，唔少人都會被呃！以為自己食到又平又好味嘅壽司，但係好可能食到嘅係……

真嘅三文魚脂肪紋清晰，肉質為明顯嘅鮮橙色。

呢種係假嘅三文魚，真名叫馬大哈魚，可以見到肉質同紋路都較為暗沉，望落勁唔新鮮！

濃香醬汁帶出鰻魚嘅鮮甜，睇見都想食呀，真嘅頂級鰻魚肉質肥厚，起碼都有5-6毫米咁厚。

但要小心，有D平價壽司鋪頭會用蒲燒汁加去一種叫有枝蛇鰻嘅魚到想瞞天過海！

比目魚嘅油香喺口入邊慢慢散發嘅感覺真係oishi呢，絕對係頂級嘅比目魚先會有呢種感覺！

較次級嘅比目魚叫做窄鱗庸鰈，佢哋又被稱為比目魚背，當然冇真嘅口感咁好啦！

彈牙可口嘅魷魚壽司，頂級嘅魷魚呈半透明，非常堅實。

較次級嘅魷魚壽司係用呢種巨型嘅美洲大赤魷魚整架咋！佢哋體型極大，肉質冇咁彈口，當然啦，係深海做運動做得較少嘛！

轉載請註明來源：今天頭條