其實我地一齊 ,佢話佢屋企唔係咁想我地一齊

我連佢屋企人都未見過 ,但佢地知我搵得少 要買樓係難事

我自問返工都有責任心 ,不過有時好辛苦 , 想同佢呻下 ,甚至講過想唔做 ,最後分手個日

,佢有個原因係話我唔上進 ,話我成日講想轉工 , 唔穩定 話我掛住成日打機唔好

,買股票 呢D 全部佢都唔鐘意 ,我同佢一齊左大半年 ,我自己為呢個買樓計劃

去供左份儲蓄保險 ,希望幾年後可以幫到少少 ,而家一句話我冇諗過點樣計劃 , 就話分手

我到最後甚至已經唔知佢同我一齊係為乜 ,你係想同層樓結婚 ,不如去D新樓盤同佢影婚紗相啦好冇

,大佬 我年薪唔食唔買 都係得個20萬 你想我點姐 即刻變一層出黎咩

,你話我買股票唔好 ,OK 我當係風險高 ,可以唔買 但佢事前又冇同我講過

我呢D冇樓既廢物係咪單身一世會比較好?

我明白佢有權選擇 ,我都唔怪得佢唔要我,

只係我覺得 , 現時香港係咪要有呢樣野做嫁妝 先有資格拍拖呢

轉載請註明來源：今天頭條