小弟係2005年就中學畢業，但無可奈何既係得中五學歷，果時真係一街都中五仔，拎住張中學會考得中文一科合格，重要得2分既成績表去見工，真係搵鬼搵馬咩。
暑假都過左一半，但合適自己既工都未搵到，所以就同埋幾個蛇鼠一鍋既朋友，大家一齊拎張得果1,2分既會考成績表，膽粗粗咁去係九龍灣下面職業訓導中心咁報左名讀1年既冷氣班去做冷氣維修。
讀書既內容就唔多講啦，大家都明既，係理論，真實做野基本上都唔同。如是者讀完一年之後2006年終於入左人身第一間公司。
D公司開始係5尾既時候同我地面試，準備請人，但因為當無未有最低工資，做冷氣學徒先得果$5800，無睇錯係$5800月薪
其實當時得果18歲，$5800月薪相比我同學都算唔錯，有D得$5400，再加上係大公司，而且5日半，星期六返半日，但我絕對相信有大部份既打工仔同我一樣，比人昆左5日半，但我就未試過係1點鐘放工，早極都係4點鐘先走人。
果時得$5800一個月，因為做冷氣要搭車周圍走，又要食無定時唔係公司，所以變相帶飯係無可能，
日日跟師父出街食，一個月食飯同埋搭車都用左$3000，都重要比$2000家用，其他真係無乜錢剩。
好彩我都算係勤力同埋傾得計，D師父講賭我又講埋一份，講女人我又講埋一份，差在叫雞未叫埋一份，自己財政咁差，真係想叫雞都叫唔到啦。
後尾同某個師父熟少少，佢話叫雞請埋小弟，但呢D邊可能話請就去喔。呢點我後悔左一年有多。
講返打工，一個月$5000都用左黎支出搭車食飯家用，好彩勤力師父話帶我食咖哩，果時細細個唔知咩都咖哩，以為又係衰野，原來聽清楚之後係去同師父一齊搵.................................外快
起初同D老師父一齊去食咖哩(外快)，多數星期六放左工去，咁做幾個鐘，我新人完全無客戶來源，就一定係老Seafood食住，鬼叫佢地有客，你又窮咩。洗冷氣機，師父就睇住你做到隻狗咁再催你快D快D，心諗催你老味自己唔撚做又嫌三嫌四。佢就袋$100，我負責洗既同裝返上去就袋$50，一個星期六晚都袋到$200有時，但多數係$100-$150，無計啦，都係果句，鬼叫你窮咩!!!
所以頭果一年做野基本上每個月都只係儲到$1000一個月，連埋一個月雙糧我都有$11000(有D月份儲唔到錢)第2年，2007年做左一年進升成為師父(正確D講係技工，但師父好聽D)，咁就無人帶開始自己落手落腳做。
而且第2年甩師，人工有變動，都算唔錯，一下子由$5800就升到$6500，一個月突然間多$700蚊，係$700蚊，我重記得升職加人工果日我去左買人生第一杯Starbucks 黎飲呀。
雖然甩師，但係咖哩來源依舊不變，都係係老Seafood手上，無計啦，未夠20歲既青年，你地係街都唔會搵佢幫你洗冷氣啦，係咪? 不過就更加勤力左，因為有左女朋友，所以連星期日都OT埋咖哩，有就食，無就搵女朋友。我地2個英文都唔係好得，但我公司文件上就係用英文，所以當時去左搵一間連鎖既英文學習既學校。
基本上香港最大得2間，一係Wa字頭，一係En字頭，邊間就唔多講，但總之28個月學貴果時係$24000，因為我唔夠錢但又想讀好英文，所以就開左一張惡魔卡(信用卡)黎分期付款。
結果讀完2年既英文，無係咩錢剩，銀行戶口竟然可以窮到搵個仙刮沙都無，無計啦，要上進學英文麻，但其實信用卡買左好多野先無錢，結果一讀完即Cut左張卡，清曬卡數，専心工作。
跟住再做多左一年，一共係呢間公司做左4年，成功正式成為師傅，22歲仔就係一個正式師傅，人工亦都加到$9200，你知地唔知係2010年，未有最低工資既情況下22歲仔可以搵到$9200一個月係幾感動既事。升職加人工，請朋友去左打邊爐，呢幾位朋友係一齊讀冷氣一齊做既不過唔同公司。
原來我升都算快，人工都算高，佢地人工都係$7000-8000幾咁上下，而我就多佢地1千幾百。
再做多一年，人工加多150到$9350，不過工作量就增加左，公司雖然請左人，但就請左個新人，未讀過冷氣課程，變相我做埋老師教曬佢，不過睇住佢又有另一番風味，好似睇返自己以前初入行咁，乜都唔識乜都要人教
星期六日呢D日子當然搵埋個0靚仔一齊食咖哩，今次角色就係我係老Seafood，佢係奴隸，得果死做爛做，洗完冷氣機裝返上去先收$70，而我當然唔駛點做就收$130。我都算好人仕，佢收1/3嫁啦。
得閒星期一至五有咖哩我地都會去，所以試過一星期食多千幾蚊咖哩，果時出糧坐低每個月$11000，果時食野無咁貴，電話無咁貴，電話費當然都無咁貴，一個月連加用搭車先$5000，自己每個月都儲到$6千
我一年真係儲到$8萬蚊，我都覺得我買樓既恆心好大。
咁就一直做冷氣維修，呢到2015年，不知不覺間已經做左九年呢個行業，同埋人生只做了2間公司，係足球生涯上踢死一間球會到掛靴會比人視為忠心
但係同一間公司打死一世工會比人笑On9
咁好啦，呢到2015既5月，當時我戶口都已經儲左約70萬港元，重記得果時有一個六合彩金多寶二千三百幾萬，把心一橫買左$140，7個字複式
終於打工九年，唔靠家人，唔靠情人 買得起樓，加油各位，希望你地同我一樣都可以係不久既將來買到樓。
文章來源: https://www.twgreatdaily.com/cat43/node1060158
轉載請註明來源：今天頭條