大台幾乎吸咗7成電視觀眾，基本上對香港觀眾而言，大台捧邊位藝人，呢位藝人就一定有運行，全香港都會無人不識，對於一眾大台藝人而言，電視台就係點金石，一旦被力捧，一夜可以由8點見佢見到凌晨，要彈出話咁易。不過，物極必反，有被力捧嘅藝人反而開始被觀眾唾棄，最常聽係「又係佢，使唔使呀？」、「乜大台無其他人藝人咩？」視覺疲勞，要數第一代表表者，當然就係崔建邦。即係魚翅龍蝦，日日食你都厭啦！唔知以下幾位目前被力捧嘅藝人，你哋又最唔啱邊個呢。

農夫

原本為本地少見的唱作Hip-hop組合，由於歌路小眾，一直半紅不黑，近年埋到大台碼頭後，憑住其搞GAG能力，又做主持又拍旅遊節目，吸引到唔少Young嘅觀眾源。

蕭正楠

最近因女友成為十億太子女，蕭正楠又見報頻頻，從落難歌手至走上大台一線小生之位，幾年間拍過的劇無數，而且都是一線劇集，明顯為爭視帝，不過始終無乜觀眾緣，似乎還需努力。

翠如BB／洪永城

一對由Cable過檔的孖寶，由於備受高層呵護而力捧，從綜藝、旅遊至劇集都見到佢哋，女嘅賣好Pure好True；男嘅賣陽光活力親切。二人優點係無乜負面新聞，形象正面。

陸浩明（六號）

同樣由Cable過檔，近年拍住肥媽之後愈受重用，唔少大騷主持都開始有佢份，反應快轉數高，頗有崔建邦當年之風，而且形象討好，甚得師奶觀眾歡迎。

蔡思貝

近年上位最快的花旦，已經坐穩女一，每隔1至2個月就有一套擔正嘅劇，被重視程度可想而知。奈何演技一直被人挑剔，加上只懂演同一種戲路，普遍網友都唔多睇好。

梁烈唯

負皮王，被網民冠以擦鞋仔之名，雖然無甚長處，爆出原因未明，不過身影不絕於大台，備受力捧。可惜形象太差，代言廣告都即被人投訴，以致無廣告商再敢搵佢。

其他…

歡迎留言提供任何你諗到嘅藝人。

轉載請註明來源：今天頭條