粵語口頭禪，睇穿你嘅另一半！好Q准！

心思思仲未決定好要唔要同對方開始？有無諗過從佢嘅日常行為舉止入手呢？除咗留意佢系咪對你特別關心之外，原來從口頭禪都可以大概估到對方嘅性格。想知道佢嘅性格同你襯唔襯？快啲跟住小編睇下啦！

1. 我講真／認真唔系講笑／老老實實／我唔呃人架

呢類人成日以為自己好難得到人哋嘅信任，有可能系講大話傷害咗人哋仲受到教訓，亦可能系因為自己講嘅嘢可信度低，所以會用「我講真」嘅語句嚟增加可信度。同呢類人相處，要俾多啲肯定同信心，等佢知道你對佢有一定程度嘅信任，都可以令佢唔再對你講大話。

2. 應該咁咁咁／一定系咁咁咁／我肯定

成日講埋曬呢啲語句嘅人好有自信，亦好理智。佢具有談判專家嘅特質，可以勸掂你接受佢嘅觀點。假如你系過份感性嘅人，可能要做好心理準備被佢牽住鼻哥行。另一方面，呢種人特別注重其他人系咪認同自己，所以相處時不妨表現下你對佢嘅欣賞。

3. 聽講呢／人哋話／好似話

呢種人其實都幾相信自己所講嘅話，但信心就唔第2類人咁大，所以會為自己留啲後路。佢哋嘅見識亦比一般人多，可惜唔夠果斷，俾人覺得佢哋好似拖泥帶水咁，未必系leader嘅材料。同咁樣嘅另一半相處，可能要有多啲主見，如果唔系你哋會好難享受二人世界。

4. 可能系咁咁咁／或者系咁咁咁／大概系咁咁咁／咁咁咁之類

有呢種口頭禪嘅人嘅自我防衛本能好強，唔容易向人吐露心聲。但因為講嘢會留一線，人事關係相當唔錯，系人哋眼中嘅「世界仔」。想深入了解呢類人，可能要俾多啲嘅心神同時間，如果唔系你好難走入佢嘅內心世界。

5. 但系呢／不過呢

呢類人有啲任性，唔肯輕易接受批評，會用「但系」、「不過」作為藉口嚟保護自己。但亦因為佢唔易妥協，你總會見到事情嘅其他面。同呢類人相處，可以有無限嘅可能，因為所有事都有商有量，未到決定果刻都有改變嘅餘地。

6. 啊／哦／唔／嗯／Er

呢種口頭禪，多少有啲敷衍嘅感覺，亦反映出佢嘅反應有啲遲鈍，唔願意深入了解事情起因。但另一方面，如果「哦」「嗯」咁嘅單字之後會出現有意義嘅意見，就表示佢會為自己爭取時間思考，系一個深思熟慮嘅人。情況的確係有啲極端，所以要細心觀察，留意佢系咪有心同你發展。

7. 是但啦／求其啦／系咁架啦

唔使講你都感受得到佢嘅熱情程度喇，呢種人比第6類人仲欠缺理解人哋嘅衝動，對身邊大部分事物都無feel。佢哋唔會質疑權力，無風無浪就系理想中嘅生活。要同佢哋相處，你要有超乎常人嘅忍耐力，亦要明白你唔會喺佢身上搵到所謂嘅energy。

拍拖系兩個人之間嘅事，唔可以單憑一個人嘅努力，所以發展前最好諗清諗楚彼此嘅性格系咪相配。如果性格唔合，你哋又願唔願意為對方改變呢？

嗱，帶定頭盔先，以上測驗只供參考，緣分呢家嘢，小編識條＿咩！

金句王

微信號：jinjuking

轉載請註明來源：今天頭條