我好辛苦。 我現在是一個第三者。

我同男友拍拖將近5年,大家都係同年紀,佢無同我有結婚打算。感情由舊年開始已經淡如似水,平時唔會傾電話,只會wts app話俾大家知返工喇,放工喇,訓喇。平均1-2星期先會見一見食餐飯,食完就會各自返屋企,由大半年開始已經手都無拖,無錫,無性行為。

2個月前,我識左個男人,但佢有女友的,拍拖3年。我知我地既開始係好錯好錯,但感覺真係解釋唔到,我真係好鍾意佢,佢亦都講佢好鍾意我,覺得我適合好適合佢,我地已經睇梗屋,諗住大家一齊住。

我已經鍾意左佢,我亦都坦白咁同男友講我鍾意左第2個,而分左手。 所有野都黎得好快好快,佢對我好好,真係一見鍾情,打得火熱。我好開心佢對我咁好,因為佢對我做既野,我男友從未對我做過。細節好難詳盡。

而之前,我地應承左大家,邊一方解決左,另一方就會解決埋。咁我就唯有等,佢亦都講唔會唔要我,一定會盡快解決,唔會拖,只係想搵個好啲既時機講俾佢女友知。前2日,佢突然同我講,會同女友去旅行,我個心果刻沉左,但都無出到聲。返到屋企諗過,我接受唔到佢地去旅行,因為我知佢而家猶豫不決梗,如果佢去左,我就會失去佢,我覺得去左佢就會返女友身邊。我講俾佢知,我唔想佢去,如果佢去,我會退出,佢話會諗下。

今日,我親身同佢再傾,點知佢話俾我知,佢會去。我即刻喊曬,話佢唔要我,話佢之前講既係假既。佢就話唔係,對我所講既係真,係會同我一齊,一定會解決,只係個旅行一年前已經講好左,岩岩佢女友先攪好套票啲野。

咁佢之前講想搵個好時機同女友講,我就話,如果要講好時機,其實今次只要講唔去,再講鍾意左第2個已經夠。但佢唔想,因為咁,會令佢好傷心。佢話去完返黎就會解決,同我一齊。

我而家都唔知點算,我真係唔想佢去旅行。我知我好衰,好傻,好痴線。但我發覺我真係唔可以無左佢。我可以點。

岩岩,,佢話我知,一定會去呢個旅行。佢話,呢一刻,佢講唔出口,本來係有諗住講,但發覺自己仲係關心佢,對佢其實無變,只係做錯左同時鍾意左我,話呢個係佢既錯。我要佢答之後呢,會唔會解決,佢話唔敢再講假設性問題,因為驚做唔到,又再傷多我一次。咁我問佢,無左我係咪會好啲。佢話佢做錯左,因為同時鍾意左2個女人,但唔願意失去我。。。。

我而家個心好痛好痛。。。我知我應該退出,我知道。

但我真唔想失去佢,我真係好鍾意佢。

轉載請註明來源：今天頭條