第一次拍拖, 曾經好愛一個人, 因為對愛情仲純真, 咩都唔會諗唔會擔心

然後分左手, 深深感受到個種分離既痛

同埋因為某d事, 對愛情幾乎冇乜安全感

到第二次拍拖, 一齊得好快, 大家未好深入了解已經一齊

表面既野知道哂, 但相處起黎, 深入d

例如佢朋友圈子, 佢想男朋友點, 唔想男朋友點

我咩都唔知, 但問起佢, 又話一時間諗唔起唔知道

呢個唔係主要問題, 我知道耐左一定會磨合, 了解大家

但我就係因為第一次拍拖既痛, 好似已經驚左拍拖咁

極度冇安全感, 好多事都好怕做錯, 好多野怕講錯, 好怕散

我冇講比佢聽, 因為一齊左唔夠幾日, 我唔想嚇親佢

但個種驚同冇安全感既感覺, 真係好難受

有冇人明?

-----------------------------------------------------------------------------------------------

當然, 網友都有回應~

「我初戀個女朋友係識左幾年

真係叫好了解（我以為）先拍拖

最後到分手果時我先知

原來佢係個咁嘅人 五年喇

到分手果刻我先知

到而家事隔一年

我又係追緊個識左幾年嘅女仔

但我今次覺得 真係唔需要了解得好清楚先一齊

之前有個po嘅巴打講得好好

唔拍拖你永遠唔會真正了解到佢

喺朋友嘅關係你自以為好了解佢

到拍拖可能係另一回事

所以我覺得 我對依個女仔有feel 我就追

追完再算 再以戀人嘅身份去了解佢

好過比大家仲係朋友果時所認識嘅大家限制左

不過我同意 真係唔好太認真」

---------------------------------------------------------------------

雖然我只係A1但都明白少少...

我初戀係比一個好有經驗既女仔追

佢令我知道點樣去愛錫一個人同埋點樣去照顧另一半

但係佢係一個貪新忘舊既人...佢亦都令我對愛情失去信心

就算自己冇做錯,對方都會離開..真係好辛苦..

係佢之後出現過3個人..兩個追我既..一個我追佢既..

全部都係最後斬纜..原因係..我下意識用緊初戀果個既印象同習慣去搵另一半..

巴打...要放得開上一個先好開始呀......

---------------------------------------------------------------------------

第一次係拍拖已經初中個陣，所以仲好兒嬉同唔太深刻

到大過左，成熟左，同樓主一樣第二次黎得好快，但大家對大家都好有好感 唔係玩玩下

起初好地地，因為熱戀，所以佢朋友都會覺得我地好幸福 我人又唔差

到之後開始有爭執，佢會同朋友講，而佢d朋友既印象就對我越黎越差

嘈親大家會冷戰一陣，佢同朋友呻完，冷靜一陣，大家就冇事

之但係時間越耐，佢朋友已經成日叫佢同我分手

當然佢最初佢都有堅持，冇比佢地動搖到

但慢慢佢對我開始有d淡，而我覺得唔憤氣

最後嘈得太多，係聖誕前幾日，咁岩我忙冇乜搵佢個幾日之後，

佢就話同我分手了

雖則原來有好多野我唔岩，而家先醒覺

但由頭到尾其實我都好愛佢，只係越一齊越唔識得做個好男友

即使我而家醒覺左，但佢而家唔理我了

無論我點搵佢，佢都無視我／最多hea兩句，見都直情見唔到

係呢一刻，好無助，好無奈

大概已經唔識再去愛一個人

------------------------------------------------------------------------

可能我兩次隔既時間好長，差唔多2年先開始新戀情 當然我係依兩年都仲好掛住佢

當我識左對上果個女仔，一開始拍拖我就有不自主咁諗番起第一個女朋友 但日子一耐 我發覺咁對佢好唔公平，開始放低左對第一個女朋友既包袱 或者應該係話將段感情轉移左去新個女朋友個到 知道佢先係我而家既女朋友 之後開始對佢好好 全情投入去愛佢 就佢。但係我投放左感情 付出真心之後，一句我地性格唔岩 又再一次捨我而去 我都唔知點樣去忘記佢

----------------------------------------------------------------------------------------------

唔知各位又有冇其他經歷呢~~

可以去下面分享下

文章來源: https://www.twgreatdaily.com/cat40/node829573

轉載請註明來源：今天頭條