我同呢個男仔係半年前一齊,佢其實係馬來西亞人,但佢會成日黎香港留3個月就走,所以我同佢好開心咁相處左3個月。同佢一齊好開心,佢仲話好想同我結婚,而我都好投入呢段感情,我好天真咁以為我搵到一個真心真意愛我嘅男仔。

呢3個月裡面,佢每日都會接我放工,然後我就去佢度住,我真係發現唔到啲咩異樣,只係佢話自已冇facebook ,我當時覺得點會冇,之後佢就話我好耐冇玩fb,唔記得個pw, 我就冇再追問,因為我信佢。

3個月後,佢返去馬來西亞,我地每晚訓前都會講好耐電話,有時都會facetime,1個月後我就去馬來西亞搵佢,仲住埋係佢屋企,佢問我鐘唔鐘意呢個地方,結左婚我地就住呢度啦,我當然講好啦。我好信佢,佢俾到好多信心我。

11月佢將會再黎香港,我好期待,佢仲話會見我媽咪,同我媽咪話結婚嘅事。

但,我前日無聊search fb 發現左佢fb in relationship with xxxxx ,仲要2010年已經開始一齊,我崩潰了

當然我真係唔識得處理,我亦都冇同佢講我知道,我現在佢女朋友fb我都知道了

但我真係唔知點做,可能我好鐘意佢,我現在每晚同佢講電話都係扮唔知

我應該問清楚佢,定係繼續扮傻,定還是向佢女朋友講清楚

點做好?

因為佢11月會再黎香港，我都唔知點開口問佢，

我睇佢facebook 9月係有update 相，

我check 入去佢in relationship 個女仔個fb,

個女仔仲係9月時換返佢同我男朋友既相做profile pic

做女仔， 我應該忍住唔講，忍到結婚

定係攤出黎講

定係同佢女性朋友講，拆穿佢真面目

呢一刻，我好迷惘，我好怕一時衝動做錯決定

facebook page

轉載請註明來源：今天頭條