有D人,你以為Delete咗,就可以放得低…但其實呢個人,一直都冇離開過…諗起一首老歌,有句歌詞系咁寫:「由來只有新人笑,有誰聽到舊人哭.」好似有咗新歡,舊愛變可以輕易放低,唔再去諗.但系,

有D人，

你以為Delete咗，

就可以放得低…

但其實呢個人，

一直都冇離開過…

諗起一首老歌，有句歌詞系咁寫：

「由來只有新人笑，有誰聽到舊人哭。」

好似有咗新歡，舊愛變可以輕易放低，唔再去諗。

但系，

邊一個前度，不曾系你身邊既新人？

邊一場錯愛，不曾系你全情既投入？

十幾歲，讀中學，佢寫情書比你，送你返屋企，路上一齊食個魚蛋粉；第一次拖你手，緊張到手心出汗；第一次講「愛你」，佢塊面都紅；第一次kiss，佢蠢到先要問你可唔可以…

佢唔識女人心，唔知你想要乜。你問佢最愛邊個，佢唔識講大話，話系媽媽；你問佢將來會唔會取你，佢答唔出，因為仲未諗過。

初戀單純、美好，但承擔唔到真正既愛情，可能大家畢業異地讀書，你第一個愛人，就此成為前度。

二十歲出頭，讀大學，你遇到佢，佢請你同你舍友食飯，慢慢變成只請你一個人；佢系宿舍樓下嗌你個名，將蠟燭擺成個心既形狀；你應承佢既時候，佢就吻咗你。

佢幫你買早餐，你系佢打波果陣，摞住支水系一邊睇；一齊去圖書館溫書；各自返宿舍前，系湖邊草地坐下傾計；佢鍾意你，但唔知點愛你，你姨媽痛，希望佢可以陪下，但佢唔明，掛住打機。

你覺得好嬲，要同佢分手。或者大學畢業，佢屋企人一早已幫佢安排好前程，出國讀書；大家就此分開。

工作中，你遇到佢，佢知你想要乜，佢會好關心你；佢話我好愛你，雖然我咩都冇，不過將來都會有。你哋一齊租房，一齊煮飯食，朝早一齊出門，分開搭公車、逼地鐵去返工。

你哋省吃儉用，一齊幾年，始終好大壓力，結婚？遙遙無期……父母成日催，終於，大家都挨唔落去。愛情，其實都好難脫離現實。

也許有人專登介紹，也許系因為去做人伴娘，或者其他場合，你識咗佢，大你幾年。佢知你想要乜，物質條件也都好好，仲識得俾你浪漫，你未要求，佢已經俾咗你驚喜。

冇幾耐，你哋一齊去旅遊，佢摞出準備好既鑽戒，你哋走入幸福婚姻。

但故事仲未結束，有日，你睇到佢俾佢前度既信，佢話佢依家同你好幸福，呢種幸福曾經都想俾到佢，只不過之前自己唔成熟，也都冇條件。

終會有一日，當你再諗返起生命中既前度，已再無不甘心、再無遺憾，你會衷心祝福，也會有所感激。

每個前度，都系最愛。

佢哋出現系我哋生命中，帶俾我哋快樂、驚喜、感動、傷害，呢D讓我哋慢慢成為更好，更有資格獲得幸福既人。

每個前度，都系最愛。

你唔需要忘記，也都無可能忘記。

轉載請註明來源：今天頭條