同男朋友拍拖了九個月，

一開始以為自己終於搵到個好男人

雖然唔係靚仔，

但見佢心地好，做社工，而且係佛教徒，食素。

點知拍拖左一排，佢就開始呃我，

話自己阿爸爛賭，

已經幫阿爸還錢還到沒哂錢

我仲以為佢係孝順仔，

為左屋企人付出左咁多，

所以前前後後借了唔少錢比佢 (唔講幾多)

我仲比埋自己既第一次比佢，

我同之前拍拖既男朋友都沒比，

因為我信佢係好男人先會比佢，

但佢呃完我一次又一次，

我返工辛苦儲落既錢，同自己初夜第一次都比哂佢

佢仲同我保証，

自己係佛教徒，要守戒，

一定唔會對我始亂終棄。

但結果係最後佢同我講自己出面識左另一個女仔，要同我分手。

之前借我的錢會慢慢還，

但到依家已經三個月，一蚊都沒還過。

佢真係好過份，我問佢你仲話自己信佛，

點解可以咁樣對我，傷害我

佢竟然同我講佛祖當初都捨棄妻兒出家，

錯與對係好主觀既事，叫我要成熟d用個腦諗野。

我對佢真係好失望，依家已經唔敢再搵男朋友，

怕再一次被傷害，怕再一次被用完即棄

希望以自身經歷，勉勵其他女仔真係要帶眼識人，

有好多男人真係人面獸心

————————————————

我係依到分享自己經歷，

並唔係話想要公開個賤男既個人資料，再網絡公審佢

我唔係想報仇，其實佢會呃到我，

只係因為自己真係好蠢，我沒怪過其他人，

我係嬲，真係好嬲，

但我並不是想將自己的憤怒回報返比對方。

我只係希望睇過我post既女仔自己真係要小心，

至於很多網友都叫我要追返個賤男既錢，

我會，感激大家既鼓勵。

巴打留言：

——樓主，你真係好慘

依家D和尚可以買車買私人樓，

同妓女去酒店開房 (報紙賣過哂出黎)，

就知道依個宗教已經歪曲顛倒哂，

好多信佛既人只係沽名釣譽

via：http://www.discuss.com.hk/viewthread.php?tid=24843409&extra=page%3D274

文章來源: https://www.twgreatdaily.com/cat40/node707307

轉載請註明來源：今天頭條