我係一個已婚的中佬，最近鍾意左公司隔離組的一個女孩子，雖然明知就算做乜都唔會有結果，因為大家都容納唔到對方。

女孩子好鐘意笑，笑起上嚟面上兩個 「酒粒」好甜好可愛。每次撞到佢，佢都報以一個友善微笑。終於有一日忍唔住，係電梯門口逗佢傾左幾句，之後重膽粗粗約佢食午飯，佢又肯喎。於是，好一廂情願咁，係同佢食飯嘅時侯，話佢知對佢有好感，希望至少可以同佢成為朋友，可以保持聯絡，間中見下面。女孩子應承左，話可以做朋友。個一刻，好開心，餐飯食得好愉快；但之後，死啦，自己知道根本唔係個回事，心入面每分每刻都好掛住佢，成日想搵機會係公司撞下佢，每日都等佢搵我………。係面書度search到佢，偷偷將佢個頭像save左，日日係公司電腦對住。心入面成日好想搵佢，但又怕嚇走佢，又妄想佢會主動搵我(佢話會搵返我食飯)。我依家已經去到茶飯不思的地步，好辛苦，好on居。

我知道我呢個post一定會比人插。但我真係想抒發下感受，我知道我呢啲身份就算心入面對其地人有幻想都唔啱，對另一半唔住，但真係鐘意左另一個人，可以點做呢？情感呢家嘢，我真係唔識處理………理性地我當然知道我要醒啦，但我真係控制唔到………

我都知係吾啱，但真係好強烈的感覺，並吾係想ons個隻……

日日掛住，間中又見到，點掉淡，吾通真係吾做咩……

做了幾十年人，其實乜嘢做得乜唔做得又點會吾知呢？

我自己性格上係咁，工作、金錢我睇得好開，但偏偏感情……我同太太其實無野，畢竟已經十幾年。有師兄話因為我見得女人少，我又吾係住係深山，呢十幾年點會無遇過好的女仔？只係今次呢個我既感覺真係好強烈，就好似青頭仔拍拖咁，見少一秒都空虛。

我地無交換電話，只係靠公司電郵聯絡過幾次。

係我自己放吾低，真係好X辛苦……

如果有個delete掣就吾洗咁煩……

人一生究竟幾時先遇到最愛？

真係好on居……

——後續——

她月頭放了大假，最近得知原來是籌備婚禮。

在此祝福她永遠幸福快樂！

也希望她別怪我當日的無賴行為和思想……

source：http://www.discuss.com.hk/viewthread.php?tid=22571148&page=1&authorid=5285997

文章來源: https://www.twgreatdaily.com/cat40/node567020

轉載請註明來源：今天頭條