我有兩個哥哥,中五0分, 無做過野

現在自己一個人住銀海一號...爸爸媽媽就住第二到...

每日自己一個係屋企好悶...我又無乜朋友, 哥哥經常俾幾千蚊我叫我出去玩, 唔好成日係屋企,

大哥上個月又問我想唔想去旅行, 叫我搵朋友陪我去, 佢俾錢...

其實我好幸福嫁, 屋企係大哥買, 無放出去租俾人, 俾我住...因為我大哥做生意...

平時二哥一番黎就買好多野食放係屋企, 又買電話, 相機送俾我, 又會幫我打掃...佢做政府工...

爸爸媽媽每星期都會有幾日黎我呢到煮飯俾我食...

我之前成日出街, 唱K, 飲酒, 晚晚都有D衰男人走黎撩我, 身邊既女仔朋友就個個靠痴, 每次都係我借錢俾佢地去玩,

之前有朋友問我借8千蚊交租, 我問哥哥拎借俾佢, 點知借完而家人都消失埋...

兩個哥哥從來都無叫我還錢...我一問佢地拎錢佢就會俾, 而且唔問點解, 以前試過有一次我問哥哥拎2萬蚊, 佢都只係叫我慢慢用...

點解我對人好, 其他人都呃我...

我唔想做敗家妹呀...

尋日本來唔想出街, 哥哥同媽媽見我電話響, 問我係唔係有人約? 我話係, 之後俾佢地迫我出去...

點知出去同朋友行街, 行到去尖咀, 朋友拉我入去GUCCI睇袋...我自己都有兩個, 但都係哥哥和爸爸送, 自己都未入過名店, 未買過咁貴既野, 價錢我更加唔知道...

朋友睇中左其中一款, 要成$17XXX, 佢話佢信用卡只有$11000, 問我可唔可以借6000俾佢, 我話我身上無咁多錢, 之後佢就帶我去禁機...

我果一刻感覺好似俾人打劫咁...行行下我發佢脾氣, 話我銀行無咁多錢, 佢竟然話: 你唔想借咪出聲囉, 洗乜係到扮曬野...之後佢自己一個人走左...

我就自己一個孤零零係尖咀行番屋企...

睇完樓主嘅幸福生活，網友分享悲慘人生：

我有一個姐姐, 我今年15歲, 中三, 無做過野

現在一家人(除老豆)住公屋...爸爸就住第二到...

每日自己一個係屋企死讀書...我又無乜朋友,屋企人日日都節省開支, 成日係屋企,

家姐上個月又要交副學士錢4皮幾野, 叫我老母比錢...

其實我好幸福嫁, 屋租又平,因為我呀媽打工仔...

平時我一番黎係屋企溫書,又借書睇,媽咪除返工又打掃,做家務..

爸爸係我細個每星期都會有幾日飲完酒拎野打我,又會小我媽媽架...

我之前唔懂事,飲酒,食煙,晚晚都有損友係我身邊,每次都坐下公園,落下機鋪玩,

之前有朋友叫我犯毒, 好彩我冇答應, 點知我朋友因為咁坐左監

媽媽平日使50蚊(包車錢)one day...我一問佢地拎錢佢就會俾, 而且唔問點解,以前試過有一次問佢拎50蚊佢都只係叫我慢慢用...

點解我而加識淋,又比環境局限住...

我唔想做敗家仔呀...

樓主叫你呀哥比50萬我去英國讀書好嗎

source：http://www.discuss.com.hk/viewthread.php?tid=11896461&extra=page%3d348

轉載請註明來源：今天頭條