介紹少少背景先，

呢個大陸阿嫂係我哥係外國時候嘅同學，

年齡.....應該同我哥差唔多(20尾30頭) 但佢一直聲稱自己係90後，

幾多歲都好啦 唔關我事，

外形就中上嘅 ，高高瘦瘦 ，白白淨淨 ，成日會著背心超短裙果D ，出到街都幾多麻甩佬望架。。

我老豆幾年前已經死左，我哥係我老豆死後3日立即話要賣樓分身家(1000萬左右)，之後就立即結婚搬左出泥住，宜家兩公婆唔做野日日無所事事留係屋企hea。其實我同我哥由細到大都冇乜感情，第一佢大我好多，第二佢嫉妒我爸媽錫我多d所以成日打我。但我媽唔想我咁恨佢，所以成日要我地見面。

講下佢地兩公婆d威水野先:

1)我嫂冇香港身分證唔做得野就必然嘅(不過相信佢就算做得野都唔會去做)，但佢一直洗我哥腦話:打工冇出識架，又要受老闆氣，男人要有自己嘅事業先得架。我都明工字不出頭呢個道理，但係都唔係野又唔做，業又唔創，日日係屋企訓學打機下話？！

2)借我媽錢一直拖拖拖，拖左起碼3-4年，次次提起兩公婆就異口同聲話:唔好成日講錢啦，會傷感情。大佬呀，借左唔洗還就唔係叫借係叫搶啦！

3)我哥兩公婆住3房單位成千幾呎(租嘅，用我老豆D遺產，仲大過靚過我地自己原先間屋添)，我媽原先以為佢地會好好心留一間房比佢啦，點知冇，攪到我媽好唔開心。3間房分別係衣帽間、拜神房，拜神同練琴，全屋都好亂同dirty都唔清潔下，最乾淨嘅地方就係個神檯。

4)因為佢地屋企同我地屋企距離比較遠，差唔多要2個鐘先返到去，所以好多時一齊食完飯我同我媽就要係佢屋企訓sofa，完全唔夠位訓，而且有好多跳蚤，我有濕疹所以次次都訓唔著。但佢去到我地屋企呢就奉旨要訓床，我媽已經打算比佢間主人房(有雙人床)佢地訓，但點知個八婆問都唔問涼又唔沖就入左我房上埋我張床訓添。我媽係咁叫佢比返間房我，佢就死都唔肯話一定要訓我房，到最後我哥訓左我媽張床，我同我媽又要做廳長。另外，有一日去完拜我爸成身汗，因為我一出汗皮膚就會好癢，我媽已經同佢講叫佢比我沖涼先，點知一返到屋企佢一支箭沖左入洗手間卸妝，我話你卸妝去另一個洗手間比我沖涼先啦，點知佢唔肯，仲好串咁話:你等下先啦~~~最後攪到我皮膚出曬疹。

5)有次約左晚上bbq，我同我媽早一晚已經去到佢地屋企，第二朝早上一起身就話去飲荼，之後去買野食啦。個個起曬起等佢大小姐，仲話要沖涼(因為佢前一晚冇沖)、大便、化妝起碼成粒鐘都唔出得門口，之後決定飛起佢我地自己去飲荼買餸。返到屋企佢就係道睇電影，我媽話佢做咩唔幫手拎定d餐具、錫紙、蜜糖等等嘅野出泥，之後佢就發大小姐脾氣話:你又冇叫我做.....我邊識你要d咩喎，不嬲都唔係我準備架啦，我媽話:拎少少出泥之嘛有幾難呀？已經冇出去買野架啦係屋企咁歎都唔幫下手，佢就超高音鬧我媽:一返到屋企就嘈嘈嘈，我已經化好曬妝乖乖咁係屋企等你地返泥，仲想我點喎！嘈！嘈夠未呀嘈！一返泥就嘈！我唔食啦！你地自己燒飽佢啦！

唉....仲有好多例子真係打一世都打唔完......所以d男人成日話香港女仔"港女"

大陸女仔咪一樣咁野蠻唔講道理自以為是

大家又有冇d大陸屋企人係咁？

有巴打頗有同感，留言：

「救命，真係同病相憐，有個痴線的阿嫂和廢柴阿哥」

source：http://www.discuss.com.hk/viewthread.php?tid=25050740

文章來源: https://www.twgreatdaily.com/cat40/node562872

轉載請註明來源：今天頭條